جەرگىلىكتى اسكەري باسقارۋ ورگاندارى ەل ازاماتتارىن اسكەرگە شاقىرۋ ۋچاسكەلەرىنە تىركەۋدى اياقتاۋدا.
«اسكەري قىزمەت جانە ءاسكەري قىزمەتشىلەردىڭ ءمارتەبەسى تۋرالى» زاڭعا سايكەس, 2014 جىلى 17 جاسقا تولاتىن جاسوسپىرىمدەر ەسەپكە الىناتىن بولادى.
بۇگىنگى تاڭدا 80 مىڭنان اسا ادامدى اسكەر قاتارىنا شاقىرۋ ۋچاسكەلەرىنە تىركەۋ جۇرگىزىلدى. ەكى اي ىشىندە ءجاسوسپىرىم جىگىتتەر ءتيىستى قورعانىس ىستەرى جونىندەگى باسقارمالار مەن بولىمدەردە ولاردىڭ اسكەري قىزمەتكە جارامدىلىق دەڭگەيىن انىقتاۋ ماقساتىندا مەديتسينالىق تەكسەرۋدەن ءوتتى.
بۇل ءىس-شارالار اسكەري قىزمەتكە شاقىرىلۋ جاسىنا دەيىنگى جاستاردى اسكەر قاتارىنا دايىنداۋعا مۇمكىندىك بەرەدى. دەنساۋلىقتارىندا ەلەۋسىز كەمشىلىكتەر انىقتالعان جاستارعا ءتيىستى ەمدەۋ مەكەمەلەرىنە جولدامالار بەرىلدى. ولار وندا اسكەرگە شاقىرىلۋ جاسىنا دەيىن دەنساۋلىقتارىن تۇزەتە الادى.
سونىمەن قاتار, اسكەرگە شاقىرۋ پۋنكتتەرىنە تىركەۋ بارىسىندا جاستار اراسىندا اسكەري وقۋ ورىندارىندا ءبىلىم الۋعا نيەت بىلدىرگەندەرگە ءتۇسىندىرۋ, ناسيحاتتاۋ جۇمىستارى جۇرگىزىلدى.
«ەگەمەن-اقپارات».