پولشانىڭ توماشۋۆ-مازوۆەتسكي قالاسىندا كونكيمەن جۇگىرۋ سپورتىنان بەيجىڭ وليمپياداسىنا جولداما بەرەتىن ليتسەنزيالىق الەم كۋبوگىنىڭ العاشقى كەزەڭى ءوز مارەسىنە جەتتى.
وكىنىشكە قاراي, پولشادا ەرلەر قۇراماسىنىڭ بىردە-ءبىر وكىلى جۇلدەلى ورىندارعا ىلىگە المادى. ال ايەلدەر اراسىندا 1500 مەترگە جارىسقان نادەجدا موروزوۆا قازاقستان كومانداسىنىڭ قورجىنىنا العاشقى قولا جۇلدەنى سالدى. ا توبىندا سىنعا تۇسكەن وتانداسىمىز 1500 مەتر قاشىقتىقتى 01:56.925 ۋاقىت كورسەتكىشىمەن ءجۇرىپ ءوتىپ, ۇزدىك ۇشتىككە ەندى. التىن مەدالدى جاپونيالىق ميحو تاكاگي (01:56.000), كۇمىستى امەريكالىق بريتتاني بوۋي (01:56.606) يەلەندى.
جاراقاتىنا بايلانىستى بىلتىرعى ماۋسىمعا قاتىسپاعان ەكاتەرينا ايدوۆا بيىلعى جارىستى ۆ توبىنان باستادى. ول 1000 مەترگە جۇگىرۋدەن ۆ توبىندا ۇزدىك اتانسا, 1500 مەترگە جۇگىرۋدە ەكىنشى ورىنعا تابان تىرەدى.