كەشە ۇلتتىق بانك باسشىسى قايرات كەلىمبەتوۆ ورتالىق كوممۋنيكاتسيالار قىزمەتىندە بريفينگ وتكىزىپ, مالىمدەمە جاسادى.
بۇگىن sms حابارلامالار ارقىلى بىرقاتار قازاقستاندىق بانكتەردىڭ قارجىلىق جاعدايى تۋرالى جالعان جانە نەگىزسىز اقپاراتتار تاراتىلدى. بۇل ءوز كەزەگىندە وسى بانكتەردە شەتەلدىك ۆاليۋتا بويىنشا سالىمدارى بار ادامدار اراسىندا ورىنسىز دۇرلىگىس تۋعىزدى, دەپ اتاپ كورسەتتى ق.كەلىمبەتوۆ.
وسىعان بايلانىستى ۇلتتىق بانك بۇل اقپاراتتاردىڭ جالعان, نەگىزسىز جانە ءبىزدىڭ ەلىمىزدىڭ بانك جۇيەسىن تۇراقسىزداندىرۋعا باعىتتالعان ارانداتۋشىلىق اقپارات ەكەندىگىن مالىمدەيدى. ۇلتتىق بانك ءوز تاراپىنان مۇنداي ارانداتۋشىلىق ءىس-قيمىلداردىڭ الدىن الۋ جانە توسقاۋىل قويۋ ماقساتىندا ءتيىستى قۇقىق قورعاۋ ورگاندارىنا حابار ءتۇسىردى.
ۇلتتىق بانك بارلىق قازاقستاندىق بانكتەردە ۇلتتىق جانە شەتەلدىك ۆاليۋتالاردىڭ جەتكىلىكتى ەكەندىگىن مالىمدەيدى. كەرەك بولعان جاعدايدا, ۇلتتىق بانك كەز كەلگەن ۋاقىتتا بانكتەردىڭ وتىمدىلىگىن قامتاماسىز ەتۋ ءۇشىن قاجەتتى كومەك كورسەتە الادى. وسى ورايدا زاڭعا سايكەس ناقتى تۇلعالاردىڭ كەز كەلگەن ۆاليۋتالىق دەپوزيتتەرىنە مەملەكەت تاراپىنان كەپىلدىك بەرىلگەندىگىن ەسكە سالامىن. ۇلتتىق بانك قازاقستان ازاماتتارىن مۇنداي ارانداتۋشىلىققا سەنبەۋگە جانە پاراساتتىلىق تانىتۋعا شاقىرادى, دەدى ۇلتتىق بانك باسشىسى.