تسەسنابانك تەڭگە باعامىنا تۇزەتۋ ەنگىزىلگەن ساتتەن باستاپ دەپوزيتتەردىڭ اعىلا باستاعانىن مالىمدەگەن. بۇل تۋرالى بانكتىڭ ءباسپاسوز قىزمەتىنە سىلتەمە جاساي وتىرىپ, Tengrinews.kz ءتىلشىسى حابارلاپ وتىر.
كەيىنگى كەزدەگى وزگەرىستەر تسەسنابانككە اكتيۆتەر مولشەرى بويىنشا ءبىر تريلليون تەڭگەلىك مەجەدەن اسىپ تۇسۋگە جاعداي جاسادى, دەپ اتاپ كورسەتكەن قارجى ينستيتۋتى. ءباسپاسوز قىزمەتىنىڭ مالىمەتتەرى بويىنشا, بانكتە جەكە تۇلعالاردىڭ دەپوزيتتىك بازاسىنىڭ تۇراقتى ءوسۋى جالعاسۋدا. 2014 جىلدىڭ قاڭتارىندا تسەسنابانكتىڭ جەكە تۇلعالارىنىڭ دەپوزيتتىك بازاسى بەس ميلليارد تەڭگەگە وسكەن. وسىلايشا تەڭگە باعامىنا وزگەرىس ەنگىزىلگەن ساتتەن باستاپ جەكە تۇلعالاردىڭ دەپوزيتتىك بازاسى ون ميلليارد تەڭگەدەن استامعا تولىققان, دەپ تۇسىندىرەدى ءباسپاسوز قىزمەتى.
«تسەسنابانك» اق-تاعى جەكە تۇلعالار سالىمدارىنىڭ قورجىنى 2013 جىلدىڭ قورىتىندىسى بويىنشا 39 پايىزعا ۇلعايعان. ونىڭ سىرتىندا ۇلتتىق بانكتىڭ مالىمەتى بويىنشا, 2014 جىلدىڭ 1 قاڭتارىندا تسەسنابانك دەپوزيتتەر بازاسىنىڭ كولەمى جاعىنان سەگىزىنشى ورىن العان.