توڭكەرىس جاساماق ارەكەتى ءۇشىن

شاراينا

وڭتۇستىككورەيالىق دەپۋتات لي سوك كي مەملەكەتتىك توڭكەرىس جاساۋعا دايىندالعانى ءۇشىن 12 جىل تۇرمەدە وتىرۋ جازاسىنا كەسىلدى. سونداي-اق, 52 جاستاعى ساياساتكەر بوستاندىققا شىققاننان كەيىن 10 جىل بويى سايلاۋلاردا داۋىس بەرۋ قۇقىعىنان ايىرىلدى. سوت لي سوك كيدى سولتۇستىك كورەيامەن سوعىس بولا قالعان جاعدايدا, كحدر-عا كومەك رەتىندە جاسىرىن ۇيىمدارمەن بايلانىس جاساعان دەپ تانىعان. پروكۋراتۋرا سوتتان ونى 20 جىلعا تۇرمەدە وتىرعىزۋ جازاسىن سۇراعان ەكەن. مەملەكەتتىك ايىپتاۋشىنىڭ مالىمەتتەرى بويىنشا, دەپۋتات شامامەن 130 ادامنان تۇراتىن توڭكەرىسشىل ۇيىمعا جەتەكشىلىك ەتكەن. بۇل ۇيىمنىڭ ەل اۋماعىندا تەررورلىق ارەكەتتەر جاساماق بولعاندارى دا دالەلدەنگەن. ەكىنشى ۇشقىشتىڭ ءوزى ەكەن «فرانسپرەسس» اقپارات اگەنتتىگىنىڭ حابارلاۋىنشا, Ethiopian AirLines اۆياكومپانياسىنىڭ ۇشاعىن ايداپ اكەتكەن باسقا ەمەس, ەكىنشى ۇشقىشتىڭ ءوزى بولىپ شىقتى. شۆەيتساريا پوليتسەيلەرىنىڭ ايتۋىنا قاراعاندا, نەگىزگى ۇشقىش اجەتحاناعا كەتكەن كەزدە ول لاينەردى باسقارۋدى باسىپ العان كورىنەدى. ءبىر جاقسىسى, ول ۇشاقتى جەنەۆا اۋەجايىنا امان-ەسەن قوندىرىپتى. ال ءوزى ارقان ارقىلى ۇشاق تەرەزەسىنەن سىرتقا ءتۇسىپ ۇلگەرگەن. ايداپ اكەتۋشى قارۋسىز بولعاندىقتان, جولاۋشىلار مەن ەكيپاج مۇشەلەرىنىڭ ومىرىنە قاۋىپ تونبەگەن. بۇل ۇشاق ەفيوپيا استاناسى – ادديس-ابەبادان ريم قالاسىنا كەلۋى ءتيىس ەكەن. ۇشاق بورتىندا 200-گە جۋىق جولاۋشى بولعان. پرەمەر-مينيستر لاۋازىمىنا ۇسىنىلدى فلورەنتسيا قالاسىنىڭ مەرى ماتتەو رەنتسي كەشە يتاليانىڭ پرەمەر-ءمينيسترى لاۋازىمىنا ۇسىنىلدى. ەل پرەزيدەنتى وعان ۇكىمەتتىڭ جاڭا قۇرامىن جاساقتاۋدى تاپسىردى. يتاليا پارلامەنتى ەندى ءبىر اپتادان سوڭ جاڭا ۇكىمەتكە سەنىم ءبىلدىرۋ جونىندە داۋىس بەرۋلەرى ءتيىس. ەلدىڭ بۇعان دەيىنگى پرەمەر-ءمينيسترى ەنريكو لەتتا 14 اقپاندا وتستاۆكاعا كەتكەن بولاتىن. ونى وتستاۆكاعا كەتىرۋگە وسى م.رەنتسي باستاماشى بولعان ەدى. رەنتسي – دەموكراتيالىق پارتيانىڭ جەتەكشىسى. ەگەر رەنتسيدىڭ قۇرعان جاڭا ۇكىمەتىنە پارلامەنت سەنىم بىلدىرەتىن بولسا, 39 جاستاعى ول يتاليا تاريحىندا ەڭ جاس پرەمەر-مينيستر بولىپ سانالادى. قىسقا قايىرىپ ايتقاندا:  نيگەرياداعى ءبىر دەرەۆنياعا سودىرلار تاراپىنان جاسالعان شابۋىلدان 106 بەيبىت تۇرعىن اجال قۇشتى. سودىرلار ەلدى مەكەنگە التى جۇك ماشيناسىمەن جانە ونشاقتى موتوتسيكلمەن كەلىپتى.  كەمەروۆ وبلىسىنىڭ گۋبەرناتورى امان تولەەۆ دزيۋدو بويىنشا قارا بەلبەۋ اتاعىن الدى. گۋبەرناتورعا ونى بۋدو حالىقارالىق ۋنيۆەرسيتەتىنىڭ پروفەسسورى, جاپوندىق دەلەگاتسيانىڭ جەتەكشىسى يشي كەنسۋكە تاپسىردى.  تاجىكستاننىڭ كۋلياب ەلدى مەكەنىندەگى تەرگەۋ يزولياتورىندا شاشتاراز بولىپ ىستەيتىن جازاسىن وتەۋشى وسى مەكەمە باستىعىنىڭ شاشىن قيىپ جاتىپ, ونى باۋىزداپ تاستادى.  «حيزباللا» راديكالدى توپتارىنىڭ جەتەكشىسى حاسان ناسراللا اراب الەمىن سيرياداعى سوعىستى توقتاتۋعا شاقىردى. ونىڭ ايتۋىنشا, ەگەر ارابتىق كۇشتەر سوعىستى توقتاتاتىن بولسا, «حيزباللا» دا جانجالدارعا قاتىسۋدان باس تارتادى. ەكس-پرەمەر بەس جىلعا سوتتالدى گرۋزيانىڭ بۇرىنعى پرەمەر-ءمينيسترى ۆانو مەرابيشۆيلي بەس جىل مەرزىمگە باس بوستاندىعىنان ايىرىلدى. «ينتەرفاكس» اگەنتتىگىنىڭ حابارلاۋىنشا, بۇل شەشىمدى كۋتايسي سوتى قابىلداعان. بۇعان دەيىن ۆ.مەرابيشۆيلي قىزمەت وكىلەتتىلىگىن اسىرا پايدالاندى, سايلاۋشىلاردى ساتىپ الدى جانە مەملەكەت قاراجاتىن ماقساتسىز جۇمسادى دەپ ايىپتالعان بولاتىن. ەكس-پرەمەرگە, سونداي-اق, كۆارياتي سەلوسىنداعى ساياجايدى زاڭسىز جەكەشەلەندىردى دەپ تە ايىپ تاعىلعان ەدى. بىراق, سوتتا ول وزىنە تاعىلعان ايىپتاردى مويىندامادى. مەرابيشۆيلي وسى جىلدىڭ مامىرىندا اتالعان ايىپتاۋلارعا بايلانىستى ۇستالعان-دى. ول كەزىندە ەلدىڭ ىشكى ىستەر مينيسترلىگىن باسقارعان ءارى م.سااكاشۆيليدىڭ سەنىمدى ادامدارىنىڭ ءبىرى بولعان. تۇرمەدەگىلەر دە ديپلومعا يە بولادى نيۋ-يورك شتاتىنداعى تۇرمەلەردە جازاسىن وتەۋشىلەرگە كوللەدج دەڭگەيىندە وقىتۋ جۇيەسى ەنگىزىلۋى مۇمكىن. بۇل جونىندە شتاتتىڭ گۋبەرناتورى ەندريۋ كۋومو مالىمدەدى. جەرگىلىكتى باق-تاردىڭ جازۋىنشا, باعدارلاما شتاتتاعى ون تۇرمەدە جۇزەگە اسىرىلاتىن بولادى. جازاسىن وتەۋشىلەر باعدارلاما بويىنشا ورتا ءبىلىم مەن باكالاۆريات ديپلومى ارالىعىنداعى باسقىش تۋرالى ءبىلىم الىپ شىعادى. نەمەسە باكالاۆريات ديپلومىنا يە بولادى. وقۋ-وقىتۋ مەرزىمى – 2,5 جىلدان 3 جىلعا دەيىن. باعدارلامانىڭ جالپى قۇنى قانشا ەكەنى ايتىلماعان. دەرەك كوزدەرىنە قاراعاندا, جازاسىن وتەۋشىلەردى وقىتۋ ولاردىڭ ءاربىرى ءۇشىن مەملەكەتكە 5 مىڭ دوللارعا تۇسپەك. ستيۋاردەسسا ۇشاق بورتىنان قۇلاپ ءتۇستى دۋبايدىڭ حالىقارالىق اۋەجايىندا «ۋرال اۆيالينياسى» اۆياكومپانياسىنىڭ ستيۋاردەسساسى ۇشۋ-قونۋ جولاعىندا ۇشاقتان جەرگە قۇلاپ تۇسكەن. وقيعا كەشە رەسەيلىك ۇشاقتىڭ پەرم قالاسىنا ۇشار كەزدە بولعان. «ينتەرفاكس» اگەنتتىگىنىڭ اقپاراتىنا قاراعاندا, ۇشاق بورتىندا دۋباي اۋەجايىنا قىزمەت كورسەتەتىن اۆتوموبيل سوعىلعان سياقتى. قۇلاعان ستيۋاردەسسا العان جاراقاتىنا بايلانىستى اۋرۋحاناعا جەتكىزىلگەن. ال ۇشاق جەڭىل دارەجەدە ب ۇلىنگەن. اۋەجاي باسشىلىعى ونىڭ ورنىنا جولاۋشىلارعا رەزەرۆتە تۇرعان ا320 ۇشاعىن ۇسىنۋعا ءماجبۇر بولدى. ينتەرنەت ماتەريالدارى نەگىزىندە ازىرلەندى.