سودىرلار نيگەريا مەملەكەتىنىڭ سولتۇستىك شىعىسىنداعى يزگە دەرەۆنياسىنا شابۋىل جاساپ, 90 ادامدى قىرىپ سالدى. بۇل تۋرالى Segodnya.ua حابارلادى.
قارۋلانعان ەكسترەميستەر كامەرۋنمەن شەكارالاس جاتقان ەلدى مەكەندى قورشاپ الىپ, جەرگىلىكتى تۇرعىندارعا وق جاۋدىرا باستاعان. يتار-تاسس اگەنتتىگى حابارلاعانداي, شابۋىلدى «بوكو حارام» ەكسترەميستىك توبىنىڭ سودىرلارى ۇيىمداستىرعان كورىنەدى.
كۋاگەرلەردىڭ ايتۋىنشا, قارۋلى توپ الدىمەن 30-عا جۋىق ادامدى قورشاپ الىپ, ولارعا وق اتقان. ولار كەيىننەن دەرەۆنياداعى ۇيلەرگە باسىپ كىرىپ, تۇرعىنداردى ولتىرەدى.
ايدار ورىسباەۆ.
دەرەككوز: Segodnya.ua.
فوتو: Pravoslavie.ru.