– ۆاليۋتانىڭ باعامىنا وزگەرىس ەنگىزۋ تۋرالى شەشىم مەنىڭ ويىمشا, ەلدىڭ ەكونوميكاسىنا وڭ ىقپال ەتەدى. ءبىرىنشى كەزەكتە تاۋار ءوندىرۋشى, ونىڭ ىشىندە شىعارعان تاۋارلارىن سىرتقا تاسىمالدايتىن كاسىپكەرلەردىڭ ايى وڭىنان تۋادى دەپ سەنەمىن. بۇل كاسىپكەرلەرگە, كاسىپورىندارعا جاسالىپ وتىرعان ۇلكەن قولداۋ. ال كاسىپكەرلىك پەن كاسىپورىندارىڭىز ەكونوميكانىڭ كۇرەتامىرى ەمەس پە؟
«ورداباسى قۇس» جشس تۇيەتاۋىق ەتىن ەۋروپالىق ستاندارتتارعا ساي وندىرەتىن كاسىپورىن. شىعارعان تاۋارلارىمىزدى الىس, جاقىن شەتەلدەرگە جىبەرەمىز. وسى ۋاقىتقا دەيىن ىشكى نارىقتا رەسەيلىك, بەلورۋسسيالىق قۇس ونىمدەرى باسىپ كەتكەن بولاتىن. مىنا جاعدايدان كەيىن ولار ەندى ىشكى نارىقتاعى باسەكەگە شىداس بەرمەيدى. جەرگىلىكتى ونىمدەردىڭ كۇش-قۋاتى ارتا تۇسەدى.
راس, ءبىز دوللارعا قاتىستى وزگەرىستەن كەيىن جەرگىلىكتى جەردەن شىعاتىن ونىمدەردىڭ باعاسىنىڭ قىمباتتاماۋىن قاتاڭ قاداعالاۋىمىز كەرەك. ەلباسى بۇل جونىندە جاقسى ايتتى. «ەكونوميكامىزدىڭ يگىلىگىنە قىزمەت ەتۋى ءۇشىن بارلىق قاجەتتى شارالاردى قابىلداعان ءجون» دەدى. ال كاسىپكەرلەر ۇكىمەتتىڭ بەرگەن مۇمكىندىگىن قۇر جىبەرمەي پايدالانىپ قالعانى ءجون. ەگەر ەلدەگى كاسىپورىنداردىڭ مۇمكىندىگى جاقسارىپ, تىنىستارى كەڭەيىپ جاتسا, بۇدان ءبارى ۇتادى. بۇل دەگەنىڭىز قانشاما جۇمىس ورنى, ەلدىڭ ءال-اۋقاتى. سوندىقتان, قابىلدانعان شەشىم دۇرىس جانە ول بۇگىنگى كۇننىڭ تالابىنا جاۋاپ بەردى دەپ ەسەپتەيمىن.
مۇرات تاعاەۆ,
«ورداباسى قۇس» جشس-ءنىڭ باس ديرەكتورى.