بيىل سەگىز اي ىشىندە 53 ادامدى پويىز قاعىپ, 28 ادام مەرت بولعان, دەپ حابارلايدى Egemen.kz قر يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتىنە سىلتەمە جاساپ.
مۇنداي قايعىلى جاعدايلارعا كوبىنە زارداپ شەككەندەردىڭ وزدەرى كىنالى بولىپ جاتادى. ءبىرى قۇلاققاپپەن مۋزىكا تىڭداپ كەلە جاتىپ بايقاماي قالسا, ءبىرى ماساڭ كۇيدە, ەندى ءبىرى وزىنە قول جۇمساماق بولادى. تاقاپ قالعان پويىزدىڭ الدىنان ءوتىپ ۇلگەرەمىن دەيتىندەر دە بار.
«كۇز باستالىسىمەن «قازاقستان تەمىر جولى» اق الدىن الۋ ءىس-شارالارىن كۇشەيتتى. تەمىرجول ستانتسيالارىندا, جولدى جاپپاي رۇقساتسىز كەسىپ ءوتۋ ورىندارىندا كولىك پوليتسياسى جەلىلىك بولىمشەسى قىزمەتكەرلەرىنىڭ قاتىسۋىمەن رەيدتەر وتكىزىلەدى. تەمىرجولشىلار تەمىرجولعا جاقىن ورنالاسقان اۋدان تۇرعىندارىنا قاۋىپسىزدىك ەرەجەلەرىن ساقتاۋ قاجەتتىلىگى تۋرالى ءتۇسىندىرۋ جۇمىستارىن جۇرگىزۋدە», دەپ جازىلعان حابارلامادا.