ەلىمىز شەكاراشىلارى كۇدىكتىدەن گەروين تاركىلەدى

«سىپاتاي باتىر اۆتو» شەكارالىق باقىلاۋ جاساعىنىڭ «مەركە» جەكە باقىلاۋ پۋنكتىنىڭ شەكارا ناريادى جامبىل وبلىسى بويىنشا كەدەندىك باقىلاۋ دەپارتامەنتىنىڭ قىزمەتكەرلەرىمەن بىرلەسىپ,  ەلىمىز اۋماعىنان 2 كيلودان استام گەروين الىپ وتپەكشى بولعان قىرعىزستان ازاماتىن ۇستادى.  بۇل تۋرالى  ۇلتتىق قاۋىپسىزدىك كوميتەتى شەكارا قىزمەتىنىڭ ءباسپاسوز قىزمەتى حابارلادى. ول پاسپورتتىق باقىلاۋدان ءوتۋ كەزىندە 4 بۋماعا مۇقيات ورالعان 2 كيلو, 300 گرامم گەرويندى الىپ كەلە جاتقانى انىقتالدى.

***

سونداي-اق وتكەن اپتا سوڭىندا «قورداي» شەكارا زاستاۆاسىندا ورنالاسقان ەلىمىز شەكاراشىلارى 2 توننا قۇس ەتىن زاڭسىز الىپ وتپەكشى بولعان 3 ادامدى قولعا ءتۇسىردى. ولاردىڭ الىپ كەلە جاتقان قۇس ەتى قىرعىزستاننان تيەلگەنى ءمالىم بولدى. قازىر وسى ۇستالعان ازاماتتارعا قاتىستى تەرگەۋ امالدارى جۇرگىزىلۋدە. ءابدىراحمان قىدىربەك. دەرەككوز: ۇقك شق ءباسپاسوز قىزمەتى فوتو: Interfax.by