ۋكرايناداعى وپپوزيتسيا وكىلدەرى لۆوۆ, تەرنوپول مەن كيەۆ قالالارىنداعى اكىمشىلىك عيماراتتاردى باسىپ الدى. بۇل تۋرالى يتار-تاسس حابارلادى.
وسىلايشا, وپپوزيتسيونەرلەردىڭ چەركاسس قالاسىنداعى وبلىستىق اكىمشىلىك عيماراتىنا جاساعان شابۋىلدارى ءساتسىز اياقتالدى. مۇنداعى شابۋىلعا قاتىسقان ونداعان ادام تۇتقىندالدى. ال لۆوۆ قالاسىنداعى اكىمشىلىك عيماراتىنىڭ الدىنا 2 مىڭعا جۋىق ادام جينالىپ, گۋبەرناتور ولەگ سالونىڭ سىرتقا شىعۋىن تالاپ ەتكەن. اقىرى, شەنەۋنىك شىقپاعان سوڭ اشۋعا مىنگەن ەرەۋىلشىلەر عيماراتقا باسىپ كىردى. مۇنداي ارەكەتتى كۇتپەگەن ءتارتىپ ساقشىلارى نارازى توپتى توقتاتا الماعان. جەرگىلىكتى اقپارات كوزدەرىنىڭ حابارلاۋىنشا, ەرەۋىلشىلەر گۋبەرناتوردى وتساۆكاعا كەتۋ تۋرالى ءوتىنىشىن جازۋعا ماجبۇرلەپ, ءوز دەگەندەرىنە جەتكەن. سونداي-اق ەلدىڭ باتىسىنداعى روۆنو قالاسىندا دا تۇرعىندار اكىمشىلىك عيماراتىن باسىپ العان. ولار دا گۋبەرناتور ۆاسيلي بەرتاشتىڭ وتستاۆكاعا كەتۋىن جانە بيلىكتەن «بۇركىت» ارنايى جاساعىنىڭ ساربازدارىن كيەۆتەن الىپ كەتۋىن تالاپ ەتكەن.
لۆوۆ وبلىسىنىڭ ىشكى ىستەر ورگاندارى ەرەۋىلشىلەردىڭ وبلىستىق اكىمشىلىك عيماراتىن باسىپ الۋ فاكتىسى بويىنشا سوتقا دەيىنگى تەرگەۋ امالدارىن باستاپ كەتتى. ال ەرەۋىلشىلەر بولسا, لۆوۆ پەن روۆنوداعى باسىپ العان عيماراتتارىنىڭ اينالاسىنا بارريكادالار قۇرىپ, مەكەمەنى وڭايلىقپەن بوساتۋعا نيەتتەرى جوق ەكەنىن كورسەتتى.
ايدار ورىسباەۆ.
دەرەككوز: Itar-tass.com
فوتو: Itar-tass.com