بارلىق دەڭگەيدەگى اكىمدەر جانە ءماسليحات دەپۋتاتتارى, وبلىستىق, ورتالىق اتقارۋشى ورگاندار بولىمشەلەرىنىڭ, قۇقىق قورعاۋ ورگاندارىنىڭ, شارۋاشىلىق ءجۇرگىزۋشى نىسانداردىڭ, مەملەكەتتىك مەكەمەلەردىڭ, قوعامدىق بىرلەستىكتەر مەن ساياسي پارتيالاردىڭ باسشىلارى, اقپاراتتىق-ناسيحاتتىق توپتاردىڭ مۇشەلەرى قاتىسقان وبلىس اكتيۆىنىڭ جيىنىندا مەملەكەت باسشىسى نۇرسۇلتان نازارباەۆتىڭ «قازاقستان جولى–2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىن ءتۇسىندىرۋ جانە ناسيحاتتاۋ ماسەلەلەرى تالقىلاندى.
بارلىق دەڭگەيدەگى اكىمدەر جانە ءماسليحات دەپۋتاتتارى, وبلىستىق, ورتالىق اتقارۋشى ورگاندار بولىمشەلەرىنىڭ, قۇقىق قورعاۋ ورگاندارىنىڭ, شارۋاشىلىق ءجۇرگىزۋشى نىسانداردىڭ, مەملەكەتتىك مەكەمەلەردىڭ, قوعامدىق بىرلەستىكتەر مەن ساياسي پارتيالاردىڭ باسشىلارى, اقپاراتتىق-ناسيحاتتىق توپتاردىڭ مۇشەلەرى قاتىسقان وبلىس اكتيۆىنىڭ جيىنىندا مەملەكەت باسشىسى نۇرسۇلتان نازارباەۆتىڭ «قازاقستان جولى–2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىن ءتۇسىندىرۋ جانە ناسيحاتتاۋ ماسەلەلەرى تالقىلاندى.
ەلباسىنىڭ بيىلعى جولداۋىن تالقىلاۋعا ارنالعان اكتيۆ جيىنىندا ءسوز العان وبلىس اكىمى ارحيمەد مۇحامبەتوۆ بۇل جولعى جولداۋدىڭ دامىعان وتىز ەلدىڭ قاتارىنا ەنۋگە باعىت ۇستاعان قازاقستان ءۇشىن اسا ماڭىزدى ەكەنىن اتاپ ءوتتى. «قازاقستان جولى – 2050: ءبىر ماقسات, ءبىر ءمۇددە, ءبىر بولاشاق» اتتى جولداۋدىڭ «قازاقستان-2050» ستراتەگياسىن جۇزەگە اسىرۋدىڭ ناقتى جولدارىن ايقىنداپ بەرگەن تاريحي قۇجات ەكەنىنە نازار اۋداردى.
– جولداۋدا «ستراتەگيا – كۇننەن-كۇنگە, جىلدان-جىلعا ەلىمىزدى, قازاقستاندىقتاردىڭ ءومىرىن جارقىن ەتە تۇسەتىن ناقتى پراكتيكالىق ىستەر باعدارلاماسى. بىراق, نارىقتىق جاعدايدا اسپاننان ناپاقا كۇتپەي, ءتيىمدى ەڭبەكتەنۋ كەرەكتىگىن اركىم-اق ءتۇسىنۋى ءتيىس. مەملەكەتتىڭ مىندەتى – وسىعان بارلىق جاعدايدى جاساۋ. مەن ەلىمنىڭ الەمنىڭ وزىق ەلدەرى اراسىنداعى وتانىمىزدىڭ لايىقتى بولاشاعى عانا قازاقستاندىقتاردى ماڭگىلىككە بىرىكتىرەتىنىنە سەنىمدىمىن», – دەپ اتاپ وتكەنىن جەتكىزدى.
اكىم ەلباسى العا قويعان اسقارالى مىندەتتەردى ورىنداۋدا ءوڭىردىڭ وزىندىك ىلگەرىلەۋ ىزدەرى بار ەكەنىنە توقتالدى. وبلىستا وتكەن جىلدا ونەركاسىپ ونىمدەرىن ءوندىرۋ كولەمى 1 تريلليون 352 ميلليارد تەڭگە قۇراعانىن ايتا كەلىپ, وڭدەۋ ونەركاسىبىنىڭ ۇلەسى 14,5 پايىزعا وسكەنىن ىلگەرىلەۋدىڭ ايقىن مىسالى رەتىندە العا تارتتى. تاۋ-كەن, مەتاللۋرگيا, نيكەل, التىن ءوندىرۋ سالالارىندا ءىرى جوبالاردىڭ جۇزەگە اسىرىلىپ جاتقانىن تىلگە تيەك ەتە كەلىپ, ەگىنشىلىكتى دامىتۋعا باعىتتالعان قادامداردان دا حاباردار ەتتى. ءبىلىم بەرۋ جانە دەنساۋلىق ساقتاۋ سالالارىنداعى وڭ وزگەرىستەردى دە ەلباسىنىڭ قازاقستان حالقىنا بيىلعى جولداۋىمەن ساباقتاستىرا اڭگىمەلەدى. جانە دە قازاقستاننىڭ الەمدەگى ەڭ دامىعان 30 ەلدىڭ قاتارىنا كىرۋ تۇجىرىمداماسىنداعى جەتى باسىمدىقتى تارقاتا بايانداي كەلىپ, وبلىستا ول مىندەتتەردى ورىنداۋعا بايلانىستى اتقارىلاتىن جۇمىستار مەن جۇزەگە اسىرىلاتىن ءىرى جوبالاردى سارالاپ, تالداپ ءوتتى. ەلباسى العا قويعان مىندەتتەردىڭ ورىندالۋىنىڭ وڭىردەگى العىشارتتارى قازىردىڭ وزىندە جاسالعانىن ايتا كەلىپ, تيىمدىلىگى جوعارى جوبالاردىڭ جاي-كۇيىمەن تانىستىرا كەتتى.
– ەلباسى الداعى 7 بەسجىلدىقتاردىڭ ارقايسىسىندا اتقارىلاتىن جۇمىستاردى بەلگىلەپ بەردى. ال ولاردى سول جوسپارلانعان جولمەن ورىنداپ شىعۋعا جۇمىلۋ ءبىزدىڭ ارقايسىسىمىزدىڭ ازاماتتىق مىندەتىمىز بولۋعا ءتيىس – دەدى ارحيمەد بەگەجان ۇلى.
ەلباسى جولداۋىن تالقىلاۋعا قاتىسقاندار بۇل تاريحي ماڭىزدى قۇجاتتى بولاشاعىمىزدى ايقىنداۋعا باعىتتالعان باياندى باعدارلاما رەتىندە باعالادى. جولداۋدا «قازاقستان-2050» ستراتەگياسىن جۇزەگە اسىرۋدىڭ جولدارى ناقتىلانعانى دا اڭگىمە وزەگىنە اينالدى.
اكتيۆ جيىنىن قورىتىندىلاعان وبلىس اكىمى ەلباسى ن.نازارباەۆتىڭ جولداۋىن تۇرعىندارعا ءتۇسىندىرۋ جانە ناسيحاتتاۋ ماقساتىندا وبلىستا 1600 مۇشەسى بار 400 اقپاراتتىق-ناسيحاتتىق توپ قۇرىلعانىن, ولاردىڭ ءاربىر ەلدى مەكەندەگى ءار تۇرعىندى جولداۋ جولدارىندا ايتىلعان مىندەتتەرمەن تانىستىراتىنىن مالىمدەدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.