ەلباسى كىتاپحاناسىندا كورەي سۋرەتشىسىنىڭ تسيفرلىق كورمەسى اشىلدى

كورمە ەلباسى كىتاپحاناسىنىڭ «مادەنيەت ارقىلى ۇنقاتىسۋ» حالىقارالىق كورمە جوباسى اياسىندا قازاقستان رەسپۋبليكاسىنداعى كورەيا رەسپۋبليكاسى ەلشىلىگىنىڭ كورەي مادەنيەت ورتالىعىمەن بىرلەسىپ, نۇرسۇلتان نازارباەۆ قورىنىڭ كومەگىمەن ۇيىمداستىرىلدى.

كورمەنىڭ اتاۋى كەزدەيسوق تاڭدالعان جوق.«Signal of Light» قازىرگى زامانعى كوركەم تىلگە, تىڭ تەحنيكا سالاسىنا قىزىعاتىن كورەرمەندەردى قىزىقتىرۋعا باعىتتالعان. لي ينامنىڭ تسيفرلىق تۋىندىلارى بەينە, دىبىس, قوزعالىس ارقىلى كورەرمەننىڭ شىعارمامەن بايلانىس ورناتۋىنا, ءوزىن قۇرىلعان كەڭىستىكتىڭ ىشىندە سەزىنۋگە مۇمكىندىك بەرەدى.

كورمەنى ەلباسى كىتاپحاناسىنىڭ مۋزەي قۇندىلىقتارىن ەسەپكە الۋ جانە ساقتاۋ قىزمەتىنىڭ باسشىسى كۇلايشا اقتاەۆا اشتى.

«بۇل كورمە نەسىمەن قىزىق؟ مۇندا جيىرما جىلدان بەرى بەلسەندى دامىپ كەلە جاتقان باعىت ۇسىنىلادى. ونى كەيبىرەۋلەر مەديا-ونەر دەسە, ەندى ءبىرى ديدجيتال ونەر دەپ اتايدى. وسى جوبانىڭ اۆتورى لي ينام مىرزامەن حابارلاسىپ, ونىڭ جۇمىسىن تەرەڭ زەرتتەي كەلە, ءبىز جالپى ءبىر ارناعا توعىسۋ يدەياسىن كوتەردىك. كورمەدە ادامنىڭ كۇندەلىكتى كۇيبەڭ  تىرشىلىكتەن ءسال اياڭداپ, ەرتەڭگى كۇن تۋرالى ويعا شومىپ, كەز كەلگەن كەدەرگىلەرگە قاراماستان الداعى مۇمكىندىكتەردىڭ شەكسىزدىگىن كورسەتەتىن بەس كارتينا ۇسىنىلعان», دەدى ول.

ءوز كەزەگىندە كورەيا رەسپۋبليكاسىنىڭ ەلىمىزدەگى توتەنشە جانە وكىلەتتى ەلشىسى كۋ حونگ-سوك تاۋەلسىزدىكتىڭ 30 جىلدىعىندا قازاقستاننىڭ استاناسىندا اشىلعان كورمەنىڭ ەرەكشە مانگە يە ەكەندىگىن ايتىپ, ونىڭ جاھاندىق پاندەميا جاعدايىندا قازىرگى زامانعى ونەردىڭ بارلىق اۋەسقويلارى ءۇشىن جۇبانىش بولاتىنىنا سەنىم ءبىلدىردى.

«كورمە الەمگە ايگىلى كورەيالىق مەديا-سۋرەتشى پەك نام دجۋننىڭ مۇراسىن جالعاستىرۋشى لي ينامنىڭ ەڭ العاشقى ءارى جاڭا تۋىندىلارى ارقىلى سىزدەرگە كورەيانىڭ مادەنيەتى مەن سۇلۋلىعىن جەتكىزۋ ءۇشىن ۇيىمداستىرىلدى. بۇگىنگى كورمەدە سۋرەتشى لي ينام شىعىستىڭ ءداستۇرلى جانە باتىستىڭ زاماناۋي سۋرەتشىلەرىنىڭ شىعارمالارىنا سۇيەنە وتىرىپ, مەديا-ونەر ارقىلى شىعىس پەن باتىس شەكارالارىنان اسقانتاريح پەن اڭگىمەلەردى جارقىراتىپ كورسەتتى», دەدى ەلشى.  

ىندەت الەم مەن ادامزات كوزقاراسىن وزگەرتتى. وقشاۋلانۋعا ماجبۇرلىك بەتپە-بەت كەزدەسۋ مۇمكىندىگىن ىعىستىردى. الايدا بۇل وزگەرىستەر جاڭا مۇمكىندىكتەدىڭ پايدا بولۋىنا سەپتىگىن تيگىزدى. ءبىر-بىرىمىزبەن تىلدەسۋ ءۇشىن ءبىز تسيفرلىق مەدياعا بەت بۇردىق.

تسيفرلىق تەحنولوگيالاردى ەنگىزۋ – قازاقستان مەملەكەتتىك ساياساتىنىڭ باسىم باعىتى.

قازاقستان رەسپۋبليكاسىنىڭ تۇڭعىش پرەزيدەنتى - ەلباسى                                ن.ءا.نازارباەۆ 2018 جىلعى 6 قاراشادا باس قالاداعىAstana Hub حالىقارالىق ءىت-ستارتاپتار تەحنوپاركىن اشۋ كەزىندە: «الەم شاپشاڭ وزگەرىپ كەلەدى. ينتەرنەت, جاساندى ينتەللەكت, 3D-باسپا تەحنولوگيالارى جانە بلوكچەين ادامزات ءومىرىنىڭ بۇكىل سالاسىنا بەلسەندى تۇردە ەنىپ كەلەدى. بۇل – قازىرگى زاماننىڭ نەگىزگى ءۇردىسى. تسيفرلاندىرۋ مەملەكەتتەردىڭ دامۋى مەن باسەكەگە قابىلەتتىلىگىنىڭ ماڭىزدى فاكتورلارىنىڭ بىرىنە اينالدى», دەگەن ەدى.

5 اقپاندا مەملەكەت باسشىسى الماتى قالاسىنداعى حالىقارالىق تسيفرلىق فورۋمدا ۇستىمىزدەگى جىلدىڭ ءتيىمدى تسيفرلاندىرۋ اياسىندا ءوتۋ كەرەكتىگىن ايتتى. ق.ك. توقاەۆ ايتۋىنشا, كارانتين كەزەڭىندە 6,5 ميلليونعا جۋىق ەل ازاماتى تسيفرلىق جۇيەنىڭ كومەگىمەن مەملەكەتتىك قولداۋ العان.

جاساندى ينتەللەكتتىڭ ۇلتتىق كلاستەرى قۇرىلىپ جاتىر. 5 جىل ىشىندە مەملەكەت تسيفرلاندىرۋ سالاسىنا شامامەن بەس ءجۇز ميلليارد تەڭگە ينۆەستيتسيا تارتۋ جوسپارلانىپ وتىر.

جاھاندىق سىن-قاتەرلەر الەمدىك ەكونوميكاعا ىقپال ەتىپ قويماي, ونەردە دە رەۆوليۋتسيالىق وزگەرىستەر تۋدىردى. مۇنى لي ينامنىڭ «Signal of Light» تسيفرلىق ونەر تۋىندىلارىنىڭ كورمەسى دالەلدەيدى. ۆيدەوارت كەڭىستىكتەگى ءتۇس, ءپىشىن, جارىق ۇعىمدارىن اشىپ, بەينەلەۋ ونەرىنىڭ اۋقىمىن كەڭەيتەدى.

اۆتور تاريح پەن ۇلى شەبەرلەردىڭ شەدەۆرلەرىمەن بايلانىس ورناتۋدىڭ جاڭا ارناسىن قۇرىپ, الەمگە دەگەن كوزقاراستى وزگەرتۋگەمۇمكىندىك بەرەدى.

ول كوپكە ۇيرەنشىكسىز پاليترانى نەگىزگە الادى. بەينەماتەريالداردى تاشالايتىن كورەرمەندەر سيقىرلى فوناردان كينوتەاترعا, وپتيكالىق يلليۋزيا مەن پانورامالىق كەسكىندەمەدەن ۆيرتۋالدى ومىرگە دەيىنگى مەديا-ونەردىڭ دامۋىن باقىلاي الادى.

بەينە سيۋجەتتەرى كورەرمەنگە مۇقيات قاراپ, تەرەڭىرەك جانە ۇزاق سەزىنۋگە سەپتىك تيگىزەدى. ەڭ باستىسى, ادام بولمىسىن, ءومىرىنىڭ تابيعاتىن بەينەلەيتىن سۋرەتشىنىڭ بۇل تۋىندىلارى كوكەيگەۇمىت ۇيالاتادى.

ايتا كەتەيىك, لي ينام - يونسە ۋنيۆەرسيتەتىنىڭ بەينەلەۋ ونەرى جوعارى مەكتەبى بويىنشا PhD كانديداتى. 2017 جىلى ول يۋنەسكو كورەي كوميتەتىنىڭ مادەنيەت جانە ونەر جونىندەگى ىزگى نيەت ەلشىسى, 2019 جىلى - International Symposiumon Electronic Art» اشىلۋ سالتاناتىنىڭ رەجيسسەرى, 2021 جىلى - «Art Korea Broadcasting 2020» بەينە جونىندەگى سۋرەتشى-قويۋشىسى بولدى.

لي ينامنىڭ جەكە كورمەلەرى اقش پەن ەۋروپا ەلدەرىندە وتكىزىلىپ كەلەدى. اۆتور مەديا-ونەر سالاسىندا ءتۇرلى ماراپاتتارعا يە بولعان.