ايماقتا جىل باسىنان بەرى سۋعا كەتۋدىڭ 30 دەرەگى تىركەلگەن. قازا بولعان 35 ادامنىڭ 20-سى بالا. 3 جاستاعى سابيدەن باستاپ 15-16 جاس ارالىعىنداعى جاسوسپىرىمدەر ءتىلسىز جاۋدىڭ قۇرباندارى بولدى. بۇل تۋرالى وڭىرلىك كوممۋنكاتسيالار قىزمەتىندە وتكەن ءباسپاسوز كونفەرەنتسياسىندا وبلىستىق تجد باستىعىنىڭ ورىنباسارى سايد مولداقاراەۆ مالىمدەدى, دەپ حابارلايدى Egemen.kz.
«سىرداريا وزەنى جاعالاۋى جانە قالا, اۋدان اۋماعىندا ورنالاسقان سۋ ايدىندارىندا تۇرعىندارعا, اسىرەسە جاستار مەن بالالاردىڭ قاۋىپسىزدىگىن قامتاماسىز ەتەتىن جاۋاپتى سالا ماماندارى بار. كۇندەلىكتى 13:00-20:00-گە دەيىن رەيدتىك جانە پاترۋلدەۋ ءىس-شارالارى ۇيىمداستىرىلۋدا. بالىق اۋلايتىن ورىنداردا 563 رەيد وتكىزىپ, 5606 ادامعا سۋداعى قاۋىپسىزدىك ەرەجەلەرى ءتۇسىندىرىلىپ, ۇنپاراقتار تاراتىلدى. قازىر 24 ادامعا ەسكەرتۋ جاسالدى. ەسكەرتەتىن جايت, قورشاۋ بەلگىلەرىنەن اسۋعا, كوپىرلەردەن, دامبالاردان, قايىقتاردان سۋعا سەكىرۋگە جانە سۇڭگۋگە, تانىس ەمەس ورىنداردا شومىلۋعا بولمايدى. سونداي-اق اتا-انالارعا بالالاردىڭ باقىلاۋسىز سۋ جاعاسىنا جىبەرمەۋىن سۇرايمىز», دەدى سايد شازىندا ۇلى.