جاقىندا وسى كومپانيانىڭ وتىز مەنەدجەرىنە الماتىداعى ء“Rىxos” قوناق ۇيىندە م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ جوعارى بيزنەس مەكتەبىنىڭ ديپلومدارى سالتاناتتى جاعدايدا تابىس ەتىلدى. بۇلار – “Master of Busىness ءAdmىnىstratىon” باعدارلاماسى بويىنشا رەسەيلىك ماماندار دايارلاعان باسقارماشىلاردىڭ قازاقستانداعى ەكىنشى تۇلەكتەرى. باعدارلامانىڭ ءوزى ENRC كاسىپورىندارى ءۇشىن ارنايى ويلاستىرىلىپ جاسالعان, ياعني ENRC باسقارماشىلارىن وقىتۋدىڭ ورتالىقتاندىرىلعان كورپوراتيۆتىك باعدارلاماسىنىڭ قۇرامداس بولىگى بولىپ تابىلادى. ول 2006 جىلدان بەرى ىسكە اسىرىلىپ كەلەدى. قازاقستاندا سوڭعى بەس جىلدا ءجۇزەگە اسقان “ۇزدىك HR جوبا” كونكۋرسىندا باس جۇلدەنى جەڭىپ العان.
ەكىجىلدىق سىرتتاي وقىتاتىن مودۋلدىك جۇيە وسىزاماندىق, كەڭ سۇرانىسقا يە ادىستەرگە نەگىزدەلگەن. بۇلاردىڭ ىشىندە داستۇرگە ەنگەن جاتتىعۋلاردى, گارۆاردتىق كەيس-ءتاسىلدى, ىسكەرلىك ويىندارىن, توپتىق جوبالاردى اتاپ وتۋگە بولادى. بۇل ستۋدەنتتەرگە وقۋ ۇدەرىسى كەزىندە-اق ءوندىرىس پەن باسقارۋدىڭ ءىس جۇزىندەگى مىندەتتەرىن شەشۋگە كىرىسۋىنە سيرەك مۇمكىندىك بەرەدى. ءاربىر مودۋل ەكى اپتاعا سوزىلىپ وتىردى. ايتارلىقتاي دەربەس ءتۇردە, ءتيىمدى تۇزىلگەن پاندەر جيىنتىعى ستۋدەنتتەر بويىندا وسى زاماندىق مەنەدجمەنت تۋرالى جۇيەلى دە اۋقىمدى تۇسىنىك قالىپتاستىردى. ءاربىر ءمودۋلدى اياقتاعان سايىن ستۋدەنتتەر بيزنەستەگى ناقتى قادامدارعا بايلانىستى ءۇي تاپسىرمالارى مەن جوبالاردى الىپ تۇردى.
باعدارلاماعا ءتۇسۋ ءۇشىن ستۋدەنتتەر ءوز كاسىپورىندارىندا قاتاڭ سۇزگىدەن ءوتىپ, سونىمەن بىرگە ماسكەۋ مەملەكەتتىك ۋنيۆەرسيتەتىنىڭ جوعارى بيزنەس مەكتەبىندە دە قابىلداۋ سىناقتارىن تاپسىردى. مودۋلدەر كەزىندە توپتاردا جۇمىس ىستەۋدى, پىكىرتالاستار مەن تۇساۋكەسەرلەرگە بەلسەندى قاتىسۋدى, مول كولەمدى ءۇي تاپسىرمالارىن ورىنداۋدى قاراستىراتىن وقىتۋ باعدارلاماسى وعان قاتىسۋشىلاردان ۇلكەن كۇش-جىگەردى, تاباندىلىقتى تالاپ ەتتى. وسى تۇرعىدان كەلگەندە ممۋ جوعارى بيزنەس مەكتەبىنىڭ سيرەك ادىستەمەسى ىزگى ماقساتتى كوزدەيدى. ول ادامنىڭ دارىنىن دارالاپ اشادى, ونىڭ ويلاۋ جۇيەسى مەن مىنەز-قۇلقىن, ءتىپتى بويداعى قادىر-قاسيەتىن نەعۇرلىم جاقسى جاققا قاراي بەيىمدەيدى. مۇندا پروبلەمانى ىزدەپ تابۋعا, ءسويتىپ جاقسى كاسىپكەردىڭ سول پروبلەمانى ءساتتىلىككە اينالدىرۋىنا باۋليدى. ءالبەتتە, مۇندا مۆا باعىتى نەگىزگە الىنعان. ءايتكەنمەن, تاڭدالعان پاندەر كومپانيانىڭ قاجەتىنە قاراي ىرىكتەلگەن. سول سەبەپتەن دە ءوندىرىستىك مەنەدجمەنت, وزگەرىستەردى باسقارۋ, جوبالاردى يگەرۋ, جەكە تۇلعانىڭ دامۋى ماسەلەلەرىنە ەرەكشە كوڭىل ءبولىندى.
ءبىزدىڭ ەلىمىز الۋان باعىتتار بويىنشا جەدەل دامىپ كەلەدى. ونىڭ باستى بايلىعى – ادامدار. ENRC-ءتىڭ ادام كاپيتالىن دامىتۋعا باسىمدىق بەرۋى كومپانيانىڭ رەسپۋبليكا باسشىلىعىنىڭ سارا باعىتىن قولداپ وتىرعاندىعىن ايعاقتايدى. وسى ورايدا ENRC PLC باس اتقارۋشى ديرەكتورى فەليكس ۆۋليس مىنا جايلاردى ەرەكشە اتاپ كورسەتتى:
– كادرلاردى وقىتۋ جانە كاسىبي تۇرعىدان دايارلاۋ ENRC-ءتىڭ باسىم مىندەتتەرىنىڭ بىرىنەن سانالادى. ءبىز ءوز مەنەدجەرلەرىمىزدىڭ كومپانيا ءۇشىن وزەكتى تاقىرىپتار بويىنشا ديپلوم جۇمىستارىن قورعاۋدا جاقسى ءناتيجەلەرگە جەتكەندىگىن ماقتان تۇتامىز. وسىناۋ باعدارلاما ارقىلى ENRC ولارعا كاسىپتىك جانە تۇلعالىق ءوسۋ ءمۇمكىندىكتەرىن ۇسىنادى, ءسويتىپ سونىڭ جەمىسىن تەرىپ, كومپانيانىڭ باسقارۋ كاپيتالىن ۇلعايتادى. بيزنەستىڭ تۇراقتى باسەكەلەستىك ارتىقشىلىقتارىن تەك جاڭا ءبىلىم مەن باسقارۋداعى باتىل شەشىمدەر عانا قامتاماسىز ەتپەك. ال ولاردى ساپالى دايىندىقتان وتكەن, ءبىلىم-بىلىگى جوعارى باسقارۋ قىزمەتىندەگى مايتالماندار جۇزەگە اسىرادى. بۇگىندە قازاقستان الەمدىك ەكونوميكانىڭ ءبىر بولىگىنە اينالدى. جاھاندانۋ بيزنەس ساپاسىن جاي جاقسارتۋدى عانا ەمەس, سوعان قوسا كومپانيالاردى باسقارۋعا دەگەن كوزقاراستى تۇبەگەيلى وزگەرتۋدى تالاپ ەتۋدە. بيزنەس جاڭا جاعدايدا قالاي جۇمىس ىستەۋدى بىلەتىن, جۇمىس ىستەي الاتىن بەساسپاپ مامانداردى كۇتەدى. مۆا باعدارلاماسىنىڭ بۇگىنگى ءتۇلەكتەرى كەلەشەكتە كومپانيا ءتىزگىنىن ءوز قولدارىنا الىپ, ۇجىمدى جاڭا كوكجيەكتەرگە باستايدى دەپ سەنەمىز. ءبىزدىڭ جاڭا تۇلەكتەرىمىزگە شىعارماشىلىق تابىستار تىلەيمىن. ولاردىڭ جولدارىنا گۇل ءبىتىپ, بىلىمدەرىن ءىس جۇزىندە قولداناتىن بولسىن.
ەرتەڭىمىزگە قامقور ENRC باسشىسىنىڭ وسى اقجولتاي تىلەگىنە ءبىز دە قوسىلامىز. ىسكە ءسات, جاس ماماندار!
قورعانبەك امانجول.