جاقىندا ەقىۇ-نىڭ ءىس باسىنداعى توراعاسى, قازاقستان رەسپۋبليكاسىنىڭ مەملەكەتتىك حاتشىسى – سىرتقى ىستەر ءمينيسترى قانات ساۋداباەۆ ءازىربايجان سىرتقى ىستەر ءمينيسترى ەلمار مامەدياروۆپەن جانە ارمەنيا سىرتقى ىستەر ءمينيسترى ەدۆارد نالبانديانمەن تەلەفون ارقىلى سويلەستى, دەپ حابارلادى قر ءسىم-ءىنىڭ ءباسپاسوز قىزمەتى.
ەقىۇ-نىڭ ءىس باسىنداعى توراعاسى اڭگىمەلەسۋشى تاراپتارمەن تاۋلى قاراباق قاقتىعىسىنىڭ جاعدايى مەن ونى رەتتەۋ ماسەلەسىنىڭ بولاشاعىن تالقىلادى. ق.ساۋداباەۆ جاعدايدى جاقسارتۋ جولدارىن ىزدەستىرۋدە كۇش-جىگەردى ۇدەتۋگە جانە بۇل ۇدەرىسكە ەقىۇ-عا توراعا مەملەكەتتىڭ باسشىسى رەتىندە قازاقستان پرەزيدەنتى ن. نازارباەۆتىڭ جەكە ءوزىنىڭ قاتىسۋ مۇمكىندىگىنە شىنايى قىزىعۋشىلىعىن تانىتتى.
سونىمەن قاتار, تاراپتار 16-17 شىلدە ارالىعىندا الماتى قالاسىندا وتەتىن ەقىۇ سىرتقى ىستەر مينيسترلەرىنىڭ بەيرەسمي كەڭەسىنە دايىندىق تۋرالى جانە پرەزيدەنت ن.نازارباەۆتىڭ باستاماسىمەن 2010 جىلعا بەلگىلەنگەن ەقىۇ ءسامميتىنىڭ نەگىزگى مازمۇنىن انىقتاۋ جونىندە پىكىر الماستى.