نۇر-سۇلتان قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى نۇر-سۇلتان قالاسى پد اكىمشىلىك پوليتسيا باسقارماسىمەن بىرلەسىپ ا.باراەۆ كوشەسىندە جول توسەمىن جوندەۋ جۇمىستارىن باستادى, دەپ حابارلايدى Egemen.kz.
جوندەۋ جۇمىستارىنا بايلانىستى وسى جىلدىڭ 28 مامىرىنان 1 ماۋسىمىنا دەيىن باراەۆ كوشەسىندە ش.ءۋاليحانوۆ كوشەسىنەن قاراوتكەل كوپىرىنە دەيىنگى ۋچاسكە اۆتوكولىك قوزعالىسى ءۇشىن ءىشىنارا جابىلاتىن بولادى.
«قالا جولدارىندا كەپتەلىس تۋدىرماس ءۇشىن ەلوردا تۇرعىندارى مەن قوناقتارى قوزعالىس باعىتتارىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىنىڭ جۇرگىزىلۋىنە تۇسىنىستىكپەن قاراۋدى سۇرايمىز», دەلىنگەن باسقارما حابارلاماسىندا.