جامبىل وبلىسىندا ءۇش كۇندىك «نازار اۋدارىڭىز, بالالار» جەدەل-الدىن الۋ ءىس-شاراسى وتكىزىلدى, دەپ حابارلايدى Egemen.kz.
اتالعان ءىس-شاراعا 145-كە جۋىق مۇددەلى ورگان مەن 40 ۇكىمەتتىك ەمەس ۇيىم جۇمىلدىرىلعان.
اتاپ ايتقاندا, وبلىس اۋماعىندا كوشە-جول جەلىسىنە جاقىن جەردە بارلىعى 450 وقۋ ورنى ورنالاسقان.
جەدەل الدىن الۋ شاراسى كەزىندە جەرگىلىكتى اتقارۋشى ورگاندارعا انىقتالعان كەمشىلىكتەردى جويۋعا 91 ۇيعارىم بەرىلدى.
107 جول بەلگىسى اۋىستىرىلدى جانە ورناتىلعان.
16 جاياۋ جۇرگىنشى جولى جايلاستىرىلىپ, 510 مەتر تروتۋار, 32 مەتر جاساندى جارىقتاندىرۋ سالىندى جانە 217 جاساندى كەدىر-بۇدىر ورناتىلدى.
100-دەن استام بالا مەن 56 اتا-انانىڭ قاتىسۋىمەن 81 ونلاين ساباق وتكىزىلدى.
جول قوزعالىسى قاۋىپسىزدىگى بويىنشا 1390 اكىمشىلىك قۇقىق بۇزۋشىلىق انىقتالدى.
سونىمەن قاتار جەرگىلىكتى پوليتسيا قىزمەتىنىڭ قىزمەتكەرلەرى 234 بالا مەن ولاردىڭ 102 زاڭدى وكىلىنىڭ قاتىسۋىمەن 336 ونلاين ساباق وتكىزدى.