قىزىلوردالىق پوليتسەيلەر كولىك جۇرگىزۋ قۇقىعى جوق بولسا دا كولىك تىزگىندەگەن ەر ادامدى ۇستادى, دەپ حابارلايدى Egemen.kz.
ارال اۋدانى كوشەلەرىنىڭ بىرىندە پاترۋلدىك پوليتسيا قىزمەتكەرلەرى جول ەرەجەسىن بۇزعانى ءۇشىن جەڭىل اۆتوكولىكتى توقتاتادى. كولىك رۋلىندەگى ازاماتتىڭ ماس ەكەندىگى انىقتالدى. ءتىپتى ول 2019 جىلدىڭ 16 قاڭتارىندا كولىك قۇرالىن جۇرگىزۋ قۇقىعىنان 5 جىلعا ايىرىلعان ەكەن
وعان قاتىستى قازاقستان رەسپۋبليكاسى قىلمىستىق كودەكسىنىڭ 346-بابىنىڭ 2-بولىگىمەن سوتقا دەيىنگى تەرگەپ-تەكسەرۋ باستالدى. اۆتوكولىك ايىپ الاڭىنا قويىلىپ, زاڭعا باعىنباعان جۇرگىزۋشى اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا قامالدى.