الماتى قالاسىندا 49 جاستاعى ايەل 10-شى قاباتتاعى پاتەردىڭ تەرەزەسىنەن سەكىرىپ مەرت بولدى, دەپ حابارلايدى Egemen.kz
قايعىلى وقيعا 3 مامىردا الماتىنىڭ المالى اۋدانىندا ورنالاسقان تۇرعىن ءۇي كەشەندەرىنىڭ بىرىندە بولعان. 1972 جىلعى قالا تۇرعىنى ءوزىن بيىكتەن لاقتىرۋ ارقىلى ءوز-وزىنە قول جۇمسادى. ونىڭ پسيحيكالىق دەنساۋلىق ورتالىعىندا تىركەۋدە تۇرعانى انىقتالدى.
«اتالعان فاكت قر قىلمىستىق كودەكسىنىڭ 105-بابى بويىنشا سوتقا دەيىنگى تەرگەۋدىڭ بىرىڭعاي تىزىلىمىنە تىركەلدى. ءىس المالى اۋدانىنىڭ پوليتسيا ءبولىمى ءوز وندىرىسىنە الدى», دەپ حابارلايدى قالالىق پد.