سەنات توراعاسى ماۋلەن اشىمباەۆ Facebookتەگى پاراقشاسىندا حالىق ءارتىسى, كومپوزيتور ەسكەندىر حاسانعاليەۆتىڭ قايتىس بولۋىنا بايلانىستى وتباسى مەن جاقىن تۋىستارىنا كوڭىل ايتتى, دەپ حابارلايدى Egemen.kz
قازاق ءان ونەرىن جاڭا بيىككە كوتەرگەن كومپوزيتور, ءانشى, قازاقستاننىڭ حالىق ءارتىسى ەسكەندىر حاسانعاليەۆتىڭ قازاسى ءبارىمىزدىڭ قابىرعامىزدى قايىستىرىپ كەتتى. بۇل – ۇلت رۋحانياتى مەن مادەنيەتى ءۇشىن ورنى تولماس اۋىر قايعى.
ەسكەندىر اعامىز بۇكىل عۇمىرىن مۋزىكا سالاسىنا ارناپ, وتاندىق ونەردىڭ ءورىسىن كەڭەيتۋگە ۇلكەن ۇلەس قوسقان دارىن يەسى. ول اۋەزدى اندەرىمەن حالقىنىڭ ىستىق ىقىلاسىنا بولەنىپ, ەرەكشە قۇرمەتىنە يە بولدى. ءار قازاق جاتقا بىلەتىن «اتامەكەن» ءانى ەلدىڭ ەڭسەسىن كوتەرىپ, رۋحىن اسقاقتاتىن قايتالانباس تۋىندى بولىپ قالا بەرەدى.
اعامىزدىڭ جارقىن بەينەسى ءاردايىم ءبىزدىڭ جادىمىزدا ساقتالادى. ەسكەندىر حاسانعاليەۆتىڭ قايتىس بولۋىنا بايلانىستى مارقۇمنىڭ وتباسى مەن تۋعان-تۋىستارىنا قايعىلارىنا ورتاقتاسىپ, كوڭىل ايتامىن.