جاقىندا استانادا قازاقستان رەسپۋبليكاسىندا تۇراتىن ەتنوستىق نەمىستەر ماسەلەلەر جونىندەگى قازاقستان-گەرمانيا ۇكىمەتارالىق كوميسسياسىنىڭ ون ءبىرىنشى ءماجىلىسى بولىپ ءوتتى, دەپ حابارلادى قر ءسىم-ءىنىڭ ءباسپاسوز قىزمەتى.
جاقىندا استانادا قازاقستان رەسپۋبليكاسىندا تۇراتىن ەتنوستىق نەمىستەر ماسەلەلەر جونىندەگى قازاقستان-گەرمانيا ۇكىمەتارالىق كوميسسياسىنىڭ ون ءبىرىنشى ءماجىلىسى بولىپ ءوتتى, دەپ حابارلادى قر ءسىم-ءىنىڭ ءباسپاسوز قىزمەتى.
ءماجىلىس شەڭبەرىندە تاراپتار مادەني-گۋمانيتارلىق ءبىلىم بەرۋ جانە الەۋمەتتىك سالالارداعى جۇزەگە اسىرىلعان شارالار ناتيجەلەرىن تالقىلاپ, 2014 جىلعا ارنالعان اتالعان باعىتتارداعى نەگىزگى باسىمدىقتاردى ايقىندادى.
قازاقستان بۇرىنعىسىنشا قازىرگى تاڭدا شامامەن 130 ەتنوس وكىلدەرى بەيبىت, قاتار ءومىر ءسۇرىپ جاتقان ەلىمىزدەگى ۇلتارالىق جانە كونفەسسياارالىق كەلىسىمگە باسىم باعىت بەرەدى. قازاقستان مەن گەرمانيا قازاقستانداعى نەمىس دياسپوراسى, سونداي-اق, گەرمانياداعى قازاقستاندىق نەمىستەر ەكى ەل اراسىنداعى «جاندى كوپىر» ءرولىن اتقارۋدى جالعاستىرۋلارىنا تەڭدەي دارەجەدە مۇددەلى. جانە بۇل جايتتىڭ ەكىجاقتى ستراتەگيالىق ارىپتەستىكتى نىعايتا تۇسۋگە ىقپال ەتەتىنى تۇسىنىكتى.
وسى تۇرعىدان كەلگەندە, قازاقستان نەمىستەرىنىڭ «ۆوزروجدەنيە» قوعامدىق بىرلەستىكتەر قاۋىمداستىعى ماڭىزدى ءرول اتقارادى. ءماجىلىس بارىسىندا قاۋىمداستىقتىڭ قىزمەتى تۋرالى باياندامالار تىڭدالدى. كوميسسيا بولاشاقتا دا قاۋىمداستىقتىڭ ەكى ەل اراسىنداعى قارىم-قاتىناستاردى دامىتۋ باعىتىندا جۇرگىزىپ كەلە جاتقان جۇمىسىنا وڭ ىقپال ەتۋ نيەتىندە.
ءماجىلىس قورىتىندىسى بويىنشا كومميۋنيكەگە قول قويىلدى.