بۇگىندە كوپتەگەن بۇقارالىق اقپارات قۇرالدارى مالىمدەگەندەي, ميشەل وباما كۇيەۋىمەن اجىراسۋعا ارىز بەرگەن. بۇل تۋرالى Utro.ru حابارلادى.
«The Nation» جۋرنالى جازعانداي, باراك وبامانىڭ تاياۋدا وتكەن نەلسون ماندەلانىڭ اسىندا دانيا پرەمەر-ءمينيسترى حەللە تورنينگ-شميتتكە قىرىڭداي بەرگەنى اقش ءبىرىنشى لەديىن قاتتى رەنجىتكەن كورىنەدى. باسىلىم اقپارىنا قاراعاندا, جۇبايلار اراسىنداعى كيكىلجىڭنىڭ باستالعانىنا ءبىراز بولعان. ولار بىرقاتار ۋاقىتتان بەرى ءار بولمەدە ۇيىقتايتىن كورىنەدى. «ولاردىڭ نەكەلەرى ۇزاققا بارمايدى. بۇلار كوپ جىلدار بويى وزدەرىنىڭ قىزدارى مەن ساياسي مانساپتارى ءۇشىن قارىم-قاتىناستارىن ساقتاۋعا تىرىسىپ كەلدى», – دەدى پرەزيدەنت وتباسىنا جاقىن ادام. ونىڭ سوزىنە قاراعاندا, ءبىر جولى ءبىرىنشى حانىم: «مەنىڭ شىدامىم تاۋسىلدى!» – دەپ, اجىراسۋ ماسەلەسىن تالقىلاۋ ءۇشىن ادۆوكاتقا جۇگىنىپتى.
بيىلعى جىلعى ساۋىردە باراك وباماعا كاليفورنيا شتاتىنىڭ باس پروكۋرورى كامالي ءحارريستىڭ اتىنا ايتقان كومپليمەنتى ءۇشىن ايەلىنەن كەشىرىم سۇراۋعا تۋرا كەلگەن. سان-فرانتسيسكودا دەموكراتيالىق پارتياعا قارجى جيناۋعا ارنالىپ وتكەن جيىننان كەيىن پرەزيدەنت باس پروكۋرورعا كاسىبي دەڭگەيى ءۇشىن العىس ايتا وتىرىپ, ونىڭ سىرتقى كەلبەتىنە بايلانىستى دا جاقسى پىكىرىن بىلدىرە كەتكەن ەدى. «بۇدان بولەك, ول – ءبىزدىڭ ەلىمىزدەگى ەڭ تارتىمدى باس پروكۋرور… بۇل شىنىندا دا سولاي. ارينە», – دەدى وباما.
2012 جىلى ەرلى-زايىپتىلار وزدەرىنىڭ ۇيلەنگەندەرىنىڭ 20 جىلدىعىن اتاپ وتكەن بولاتىن. ولار Twitter ارقىلى ءبىر-بىرلەرىنە جىلى, نازىك سەزىمدەرىن جەتكىزدى. «تۋرا 20 جىل بۇرىن مەن ءوزىمنىڭ بۇكىل ومىرىمدەگى ماحابباتىم جانە ەڭ ۇزدىك دوسىم بولاتىن قىزعا ۇيلەندىم. جىلدىق مەرەكە قۇتتى بولسىن, ميشەل», – دەپ جازدى پرەزيدەنت. وعان ميشەل: «جيىرما جىلدىعىمىزبەن قۇتتىقتايمىن, باراك. تاڭعاجايىپ كۇيەۋىم, دوسىم جانە اكەم بولىپ قالا بەرگەنىڭ ءۇشىن ساعان راحمەت. مەن سەنى سۇيەمىن!», – دەپ جاۋاپ قايتارعان ەدى.
ايدار ورىسباەۆ.
دەرەككوز: Utro.ru
فوتو: Gazeta-sr.ru