ارقادان ارقىراي باستالعان اق تۇتەك بوران بۇرناعى كۇننەن بەرى ەلىمىزدىڭ كوپتەگەن ءوڭىرلەرىن ءوز قىسپاعىنا الىپ, قىبىرلاعان قيمىلدىڭ ادىمىنا تۇساۋ سالىپ تاستادى. توتەنشە جاعدايلار مينيسترلىگىنىڭ مالىمەتى بويىنشا, بۇگىندە التى ايماقتا كۇرە جولدار جابىلعان.
ارقادان ارقىراي باستالعان اق تۇتەك بوران بۇرناعى كۇننەن بەرى ەلىمىزدىڭ كوپتەگەن ءوڭىرلەرىن ءوز قىسپاعىنا الىپ, قىبىرلاعان قيمىلدىڭ ادىمىنا تۇساۋ سالىپ تاستادى. توتەنشە جاعدايلار مينيسترلىگىنىڭ مالىمەتى بويىنشا, بۇگىندە التى ايماقتا كۇرە جولدار جابىلعان.
ەكى كۇننەن بەرى استانادان شىعاتىن بارلىق باعىتتا كولىك قاتىناسى توقتاپ تۇر. مەكتەپتەردە دە ساباقتار توقتاتىلىپ, وقۋشىلارمەن قاتار, كوللەدجدىڭ 1 جانە 2-كۋرس ستۋدەنتتەرى دە وقۋدان بوساتىلدى. تۇندە اۋانىڭ تەمپەراتۋراسى -20°س-گە دەيىن تومەندەپ, ۇيتقىعان جەلدىڭ ەكپىنى سەكۋندىنا 25 مەترگە دەيىن جەتكەن. وسى الاپات اق بوراندا قۇرباندىققا ۇشىراپ جاتقاندار دا بار. قوستاناي وبلىسىندا قاتتى ءۇسىپ قالعان 53 جاستاعى ەر ادام قايتىس بولدى.
ەلىمىزدىڭ وزگە وڭىرلەرىندە مۇنداي جاعدايلار ورىن العان جوق. بىراق بوراننىڭ قىسپاعىنان بوساتىلىپ جاتقاندار بار. جاقىندا سونداي وقيعا پاۆلودار وبلىسىندا ورىن السا, كەشە قىزىلوردا وبلىسى اكىمشىلىك پوليتسياسىنىڭ قىزمەتكەرلەرى جول بويىندا تۇرىپ قالعان اۆتوبۋستان 51 ادامدى قۇتقارىپ قالدى. ازىرگە بوراننىڭ باسىلار ءتۇرى كورىنبەيدى.
رۋسلان يگىلىك.