بۇل اڭگىمەنىڭ قوزعالا باستاعانىنا ءبىراز بولىپ قالدى. الدىمەن «ۆرەميا» گازەتى وسى دەرەككە نازار اۋداردى. سوڭىنان ءبىراز ينتەرنەت-رەسۋرستار اقپار تاراتتى. اقىرىندا ءبارى شىندىققا اينالدى. پاۆلودار وبلىسى اكىمىنىڭ كەڭەسشىسى تولەگەن باستەنوۆتىڭ ۇستىنەن قىلمىستىق ءىس قوزعالدى.
بۇل اڭگىمەنىڭ قوزعالا باستاعانىنا ءبىراز بولىپ قالدى. الدىمەن «ۆرەميا» گازەتى وسى دەرەككە نازار اۋداردى. سوڭىنان ءبىراز ينتەرنەت-رەسۋرستار اقپار تاراتتى. اقىرىندا ءبارى شىندىققا اينالدى. پاۆلودار وبلىسى اكىمىنىڭ كەڭەسشىسى تولەگەن باستەنوۆتىڭ ۇستىنەن قىلمىستىق ءىس قوزعالدى.
«جوعارى لاۋازىمدى قىزمەتتەر اتقارعان ەكس-شەنەۋنىك جەلتوقساننىڭ 10-ى كۇنى قوماقتى كولەمدە پارا الىپ تۇرعان جەرىنەن قارجى پوليتسياسىنىڭ قۇرىعىنا ىلىكتى», دەپ حابارلادى كتك ارناسى. ول مەردىگەر كومپانيادان مەكتەپ قۇرىلىسىنا بولىنگەن قارجىدان 8 ملن. 700 مىڭ تەڭگە اقشا بوپسالاعان كورىنەدى.
ابىرويسىز ارەكەتى اشكەرە بولعان شەنەۋنىككە قاتىستى قازىر «اسا ءىرى كولەمدە پارا الۋ» فاكتىسى بويىنشا قىلمىستىق ءىس قوزعالىپتى. وسىعان وراي ول بىرەر كۇندە تەرگەۋ اباقتىسىنا قامالعان.
جالپى, تولەگەن باستەنوۆتىڭ ەسىمى وبلىس حالقىنا جاقسى تانىس. ول پاۆلودار اۋدانىندا ەكى رەت اكىم بولىپ قىزمەت اتقارعان. سوڭعىسىندا سوڭىنان ءسوز ەرگەن كورىنەدى. بۇعان قوسا, جازدا بولعان سىناقتا ءسۇرىنىپ, ورنىنان ايىرىلعان ەكەن. سودان كەيىن وبلىس اكىمىنە كەڭەسشى بولىپ تاعايىندالعان. ال «كەڭەسشىنىڭ» اياعى مىناداي كەلەڭسىز ىسكە اپارىپ ۇرىندىردى.
قۇرىش نۇرىمبەت.