وڭتۇستىكتە بانك تونالدى

وڭتۇستىك قازاقستان وبلىسى شاردارا اۋدانىنداعى حالىق بانكى بولىمشەسىنەن 63 ملن. 28 مىڭ تەڭگە قولدى بولدى. بۇل تۋرالى Otyrar.kz حابارلادى.

قىلمىسكەرلەر بانك بولىمشەسىنىڭ تەرەزەسىنەن كىرىپ, اقشا تۇرعان بولمەنى بۇزىپ كىرگەن. ال وسى كەزدە ونداعى كۇزەتشى ۇيىقتاپ قالعان كورىنەدى. سول سەبەپتى ەشقانداي دىبىس ەستىمەگەن. «جاقىن ارادا بۇقارالىق اقپارات قۇرالىندا شارادا اۋدانىنداعى حالىق بانكى بولىمشەسىنىڭ جەتەكشىسى مەن ونداعى كۇزەتشىنىڭ ۇستالعانى تۋرالى ايتىلدى. بۇل تۇستا تەك كۇزەتشىنىڭ عانا جاۋاپقا تارتىلعانىن ەسكەرتكىم كەلەدى. ونى قاماۋعا الۋ جونىندە شەشىم قابىلداندى»,- دەيدى شاردارا اۋدانىنىڭ پروكۋرورى تالعات سەيدۋاليەۆ.

قازىر بۇل بانك توڭىرەگىندە ءارتۇرلى اڭگىمە ايتىلۋدا. ال قۇقىق قورعاۋ قىزمەتكەرلەرى باستى كۇدىكتى رەتىندە كۇزەتشىگە كۇمان كەلتىرىپ وتىر. بۇل ءىس بويىنشا قازىر تەرگەۋ امالدارى جۇرگىزىلۋدە. انىعى, سول كۇنى بانك بولىمشەسىن كۇزەتكەن ازامات جاۋاپكەرشىلىكتەن سىتىلىپ كەتە المايدى. بۇل جونىندە بىرقاتار باسىلىمدار قۇقىق قورعاۋ قىزمەتكەرلەرىنىڭ پىكىرىن دالەل رەتىندە جاريالادى.

باقىتبەك كەنەش ۇلى.

دەرەككوز Otyrar.kz:

فوتو: «نوۆىي رەگيون-2»