مەملەكەتىمىزدىڭ ۇلىق مەرەكەسى – تاۋەلسىزدىك كۇنى قارساڭىندا ماجىلىستە مەملەكەتتىك ماراپاتتاردى تاپسىرۋ ءراسىمى ءوتتى, دەپ حابارلادى وسى پالاتانىڭ ءباسپاسوز قىزمەتى.
مەملەكەتىمىزدىڭ ۇلىق مەرەكەسى – تاۋەلسىزدىك كۇنى قارساڭىندا ماجىلىستە مەملەكەتتىك ماراپاتتاردى تاپسىرۋ ءراسىمى ءوتتى, دەپ حابارلادى وسى پالاتانىڭ ءباسپاسوز قىزمەتى.
ەلباسىنىڭ جارلىعىندا اتاپ كورسەتىلگەندەي, مەملەكەتتىك جانە قوعامدىق قىزمەتتەگى ەڭبەكتەرى ءۇشىن, الەۋمەتتىك-ەكونوميكالىق سالانى, رۋحانياتتى دامىتۋعا, حالىقتار اراسىنداعى دوستىق پەن بىرلىكتى نىعايتۋعا قوسقان ۇلەستەرى ءۇشىن: II دارەجەلى «بارىس» وردەنىمەن ءماجىلىس دەپۋتاتى داريعا نازارباەۆا, «پاراسات» وردەنىمەن ەرسۇلتان بەكتۇرعانوۆ, مەيرام پىشەمباەۆ جانە مۇحتار تىنىكەەۆ, سونىمەن بىرگە, «قۇرمەت» وردەنىمەن ءماجىلىستىڭ اۋدارما جانە رەداكتسيالاۋ ءبولىمىنىڭ جەتەكشىسى ءداۋىتالى وماش ۇلى ماراپاتتالدى.
ال «ەرەن ەڭبەگى ءۇشىن» مەدالىنە گالينا بايماحانوۆا, تۇلەش كەنجين, زۋحرا ساياپوۆا, الماس تورتاەۆ جانە اپپارات قىزمەتكەرلەرى حۋليمات اۋباكىروۆا مەن بالحيا داۋلەتوۆ يە بولدى.
سونداي-اق, ءماجىلىستىڭ بىرقاتار ۇزدىك قىزمەتكەرلەرى قازاقستان رەسپۋبليكاسىنىڭ قۇرمەت گراموتاسىمەن اتاپ ءوتىلدى.
مەملەكەتتىك ماراپاتتاردى تاپسىرۋ ءراسىمى بارىسىندا ءماجىلىس توراعاسى نۇرلان نىعماتۋليننىڭ اتاپ وتكەنىندەي, ەلىمىزدىڭ وسى كۇنگە دەيىن جەتكەن جەتىستىكتەرى, ەڭ الدىمەن, ەلباسى نۇرسۇلتان نازارباەۆتىڭ اتىمەن جانە ەرەن ەڭبەگىمەن بايلانىستى. سونداي-اق, پرەزيدەنتتىڭ قازاقستانداعى پارلامەنتاريزمدى قالىپتاستىرۋ مەن دامىتۋ جولىنداعى ءرولى دە وتە زور.
– بۇگىنگى كۇنى كوپپارتيالى پارلامەنتتىڭ جۇمىسى, ەڭ الدىمەن, ەلباسى ستراتەگياسىن تابىستى ورىنداۋ ءۇشىن زاڭنامالىق قامتاماسىز ەتۋگە باعىتتالعان, – دەدى نۇرلان نىعماتۋلين.
جينالعاندار ەلباسىنا العىس-تىلەكتەرىن ارناپ, قازاقستاننىڭ تاۋەلسىزدىگىن تۇعىرلى ەتۋ جولىندا ايانباي ەڭبەك ەتە بەرەتىندەرىن جەتكىزدى.