قىزىلوردادا ادامدى تىرىدەي ورتەپ ولتىرگەن ءۇش قىلمىسكەرگە ۇكىم شىقتى. بۇل وقيعا تۋرالى وبلىستىق پروكۋراتۋرا باسقارماسىنىڭ اعا پروكۋرورى, كىشى ادىلەت كەڭەسشىسى ەرمەك قۇتىباەۆ ايتىپ بەردى.
قىزىلوردادا ادامدى تىرىدەي ورتەپ ولتىرگەن ءۇش قىلمىسكەرگە ۇكىم شىقتى. بۇل وقيعا تۋرالى وبلىستىق پروكۋراتۋرا باسقارماسىنىڭ اعا پروكۋرورى, كىشى ادىلەت كەڭەسشىسى ەرمەك قۇتىباەۆ ايتىپ بەردى.
«ۇستىمىزدەگى جىلعى 16 مامىر كۇنى ساعات 12-دە قارماقشى اۋدانىنىڭ ورتالىعى – جوسالى كەنتىندە جەكە تاكسيشى ە.ەسەتوۆ جولاۋشى س.ءجۇسىپوۆتى مەجەلەگەن جەرىنە اپارىپ تاستايدى. بىراق جولاي تانىسىپ العان ەكەۋ توقتاعان سوڭ بىرگە اراق ىشۋگە كەلىسەدى. سوسىن جولاۋشى جىگىت ساتىپ اكەلگەن ءبىر بوتەلكەنى ەكەۋى قىلداي ءبولىپ ءىشىپ الادى. وسىدان كەيىن قىزىپ العان ەكى جىگىت ءىشۋدى جالعاستىرماق بولادى. ءسويتىپ, تاكسيشى ءوزىنىڭ س.شايكەنوۆ جانە ب.قۋاڭباەۆ دەگەن تاعى ەكى جولداسىن كولىككە مىنگىزەدى», – دەدى ول.
اقىرىندا ورتالارى تورتەۋگە تولعان جىگىتتەر كەنتتەگى ءبىر باۋ-باقشانىڭ ىشىنە بارىپ, اششى سۋدى تاعى شايقاپ ىشەدى. سول جەردە كەيىن كەلگەندەردىڭ ءبىرى – س.شايكەنوۆ پەن س.ءجۇسىپوۆتىڭ اراسىندا جانجال تۋادى. كيكىلجىڭ كولىكتەگى ماگنيتوفوندى ءوشىرىپ كەلۋدەن باستالادى. سول جۇمىس ءۇشىن بۇلار س.ءجۇسىپوۆتى جۇمسايدى. ال ول بۇعان: «مۇندا مەنەن دە كىشىلەر وتىر عوي», دەپ قارسىلىق كورسەتەدى. ونىڭ مۇنىسى ە.ەسەتوۆكە دە ۇنامايدى. جۇرتتى ءيىرىپ وتىرعان س.شايكەنوۆكە جاعىمپازدانعان ول كۇتپەگەن جەردەن ءوزىنىڭ جولاۋشىسىن باسپەن ۇرىپ قۇلاتادى. سول-اق ەكەن, ءبىر-بىرلەرىن بۇرىننان جاقسى بىلەتىن ءۇش جىگىت سوڭعى تانىستارىن جابىلىپ ۇرىپ تاستايدى. ونى ۇرۋ بىرنەشە كەزەككە جالعاسادى. سوڭىنان سول ماڭدا جۇرگەن بىرەۋلەردىڭ ايقاي سالۋىمەن بۇلار شالاجانسار جاتقان جىگىتتى كولىكتىڭ ارتقى ورىندىعىنا سالىپ الىپ, كەنتتىڭ سىرتىنا اپارىپ تاستايدى.
بىراق اۋدان ورتالىعىنا قايتا ورالعان سوڭ ولار اقىلداسا كەلىپ, تاياق جەگەن كۋانى ءتىرى قالدىرماۋعا كەلىسىم جاسايدى. ءسويتىپ, ءۇش جەندەت جارالى جىگىت قالعان جەرگە قايتا بارىپ, ونى ولتىرۋگە كىرىسەدى. بۇل ءۇشىن ولار مارقۇمعا ءۇش رەت پىشاق سالادى دا, ەسىنەن تانىپ جاتقان ونىڭ ۇستىنە وت قويادى…
وسى قىلمىستارى ءۇشىن قىلمىسكەرلەر 18 جىلدان باس بوستاندىقتارىنان ايىرىلدى. ولار بۇل جازانى قاتاڭ رەجىمدەگى تۇزەۋ كولونياسىندا وتكىزەدى.
قۇرىش نۇرىمبەت.