قازاقستان رەسپۋبليكاسى سپورت جانە دەنەشىنىقتىرۋ ىستەرى اگەنتتىگى مەن سپورت ءباسپاسوزى قاۋىمداستىعى ەلىمىزدىڭ باق جۋرناليستەرى اراسىندا سپورت ءجۋرناليسى, پۋبليتسيست جانە قوعام قايراتكەرى سەيداحمەت بەردىقۇل اتىنداعى جىل سايىن وتەتىن بايقاۋدىڭ باستالعانىن حابارلايدى.
قازاقستان رەسپۋبليكاسى سپورت جانە دەنەشىنىقتىرۋ ىستەرى اگەنتتىگى مەن سپورت ءباسپاسوزى قاۋىمداستىعى ەلىمىزدىڭ باق جۋرناليستەرى اراسىندا سپورت ءجۋرناليسى, پۋبليتسيست جانە قوعام قايراتكەرى سەيداحمەت بەردىقۇل اتىنداعى جىل سايىن وتەتىن بايقاۋدىڭ باستالعانىن حابارلايدى.
سىيلىق جىلىنا ءبىر رەت ءۇش جەڭىمپازعا تاپسىرىلادى. ونىڭ ىشىندە ەكى سىيلىق – مەملەكەتتىك ءتىلدىڭ مارتەبەسىن كوتەرۋ ماقساتىندا قازاق تىلىندە جاريالانعان ماتەريالدارعا, ءبىر سىيلىق – ورىس تىلىندە جاريالانعان ماتەريالدارعا بەلگىلەنگەن.
وتىنىشتەر مەن ماقالالار مىنا مەكەنجاي بويىنشا قابىلدانادى: 010000, استانا قالاسى, سىعاناق كوشەسى, 25 ءۇي, 11 قابات, ۇلتتىق شتاتتىق كوماندالار جانە سپورت رەزەرۆى ديرەكتسياسىنىڭ ءباسپاسوز-قىزمەتىنە («2013 جىلعى س.بەردىقۇل اتىنداعى بايقاۋعا» دەگەن بەلگىمەن). قابىلداۋ مەرزىمى – 2013 جىلدىڭ 5 جەلتوقسانىنا دەيىن.
ۇمىتكەرلەر 2013 جىلداعى جۇمىستارىن مىنا تاقىرىپتار بويىنشا تاپسىرۋى ءتيىس.
1.وليمپيا ويىندارىن ىرىكتەۋ جارىستارىنا, الەم جانە ازيا چەمپيوناتتارىنا, الەم كۋبوكتارىنا, حالىقارالىق جارىستارعا جانە قازاقستان ءبىرىنشىلىكتەرىنە ارنالعان جاريالانىمدار (وچەركتەر, ماقالالار, تالداۋ, تەلەترانسلياتسيالار, تەلەكوپىرلەر جانە ت.ب.)
2.قازاقستاندىق باق-تا بۇقارالىق سپورتتى, بالالار مەن جاسوسپىرىمدەر اراسىنداعى سپورتتى, مۇگەدەكتەر اراسىنداعى جانە ۇلتتىق سپورت تۇرلەرىنەن سپورت ويىندارىن, (سپارتاكيادالار, تۋرنيرلەر, پاراليمپيالىق ويىندار, ۇلتتىق سپورت تۇرلەرى فەستيۆالى, اۋىل سپورتى ويىندارى) ت.ب. ناسيحاتتاۋ.
3.ەلىمىزدە دەنەشىنىقتىرۋ جانە سپورت سالاسى بويىنشا پروبلەمالار كوتەرۋ جانە ونىڭ شەشۋ جولدارىن كورسەتىپ بەرۋ.
بايقاۋدىڭ جەڭىمپازدارى «سەيداحمەت بەردىقۇل اتىنداعى سىيلىقتىڭ لاۋرەاتى» دەگەن ارنايى توسبەلگىمەن ماراپاتتالىپ, ديپلوم مەن اقشالاي سىيلىققا يە بولادى.
بەرىلگەن اقپاراتتى قر سپورت جانە دەنەشىنىقتىرۋ ىستەرى اگەنتتىگىنىڭ (www.sport.gov.kz) جانە قر ۇشكجسر ديرەكتسياسىنىڭ (www.kazsports.kz) سايتتارىنان تاباسىز. لاۋرەاتتاردىڭ ەسىمدەرى قر باق-تارىندا جانە جوعارىدا كورسەتىلگەن سايتتاردا ورنالاسادى.
قوسىمشا سۇراقتار بويىنشا مىنا تەلەفونعا حابارلاسۋعا بولادى: 8 (7172) 91 15 29.
«ەگەمەن-اقپارات».