كوبىمىز قارا جۇمىستىڭ ادامىن يگى جاقسىلاردىڭ, زيالى دەلىنەتىندەردىڭ قاتارىنا قوسا بەرمەيتىنىمىز بار. بىراق ولاردىڭ اراسىندا دا كوڭىل كوزى اشىق, وي-ساناسى بيىك, ايتسە دە ونىسىن بىلدىرە بەرمەي, تەك مادەنيەتىمەن اڭعارتاتىندار از ەمەس. وتكەن عاسىردىڭ ەڭبەك ادامدارىنىڭ بولمىسى بولەك بولدى. ولار دارحان دالادا دا, قىم-قيعاش تىرلىكتەگى قالادا دا وزدەرىن كورسەتە ءبىلدى. قازاق دالاسىنىڭ قىرانداي سامعاعان حح عاسىرداعى ءبىر قىزى كامشات دونەنباەۆا ەدى. ول ماسكەۋدىڭ تورىندە دە, ءوز وتانىمىزدىڭ كيەلى ورىندارىندا دا كەمەلدىك كورسەتىپ: «شىركىن, بولمىسىنا اقىلى ساي, قازاق قىزى-اي!» دەگىزگەن.
كوبىمىز قارا جۇمىستىڭ ادامىن يگى جاقسىلاردىڭ, زيالى دەلىنەتىندەردىڭ قاتارىنا قوسا بەرمەيتىنىمىز بار. بىراق ولاردىڭ اراسىندا دا كوڭىل كوزى اشىق, وي-ساناسى بيىك, ايتسە دە ونىسىن بىلدىرە بەرمەي, تەك مادەنيەتىمەن اڭعارتاتىندار از ەمەس. وتكەن عاسىردىڭ ەڭبەك ادامدارىنىڭ بولمىسى بولەك بولدى. ولار دارحان دالادا دا, قىم-قيعاش تىرلىكتەگى قالادا دا وزدەرىن كورسەتە ءبىلدى. قازاق دالاسىنىڭ قىرانداي سامعاعان حح عاسىرداعى ءبىر قىزى كامشات دونەنباەۆا ەدى. ول ماسكەۋدىڭ تورىندە دە, ءوز وتانىمىزدىڭ كيەلى ورىندارىندا دا كەمەلدىك كورسەتىپ: «شىركىن, بولمىسىنا اقىلى ساي, قازاق قىزى-اي!» دەگىزگەن.
تاياۋدا وتكەن «نۇر وتان» پارتياسىنىڭ حV سەزىنەن كەيىن كامشات دونەنباەۆا تەلەديدارعا سۇحبات بەرىپ تۇرىپ, اۋىلعا, ونىڭ ىشىندە ىشەر اس, كيەر كيىمنىڭ وزەگى سانالاتىن بايتاق دالامىزداعى قىزۋ ەڭبەككە جاستاردىڭ بەل شەشىپ كەلىپ, ارالاسا بەرمەيتىنىن ايتتى. «ءبىز جۇرگىزگەن كومباين مەن بۇگىنگى استىق وراتىن تەحنيكانىڭ اراسى جەر مەن كوكتەي. قازىر شاڭ جۇتپايسىڭ, قولىڭدى كىر شالمايدى. ءبارى كومپيۋتەرلەنگەن. كەيدە سونىڭ رولىندە وتىراتىن ادام تابىلماي جاتادى. وسىنى ويلاستىرساق ۇتىلماس ەدىك», دەدى.
شىنىندا, ءبىز اۋىلعا بارعان مۇعالىم مەن دارىگەردى كوپ ايتامىز. ال اۋىل شارۋاشىلىعىنا قۇلشىنعان جاستار بار ما؟ «قايداسىڭ, ءححى عاسىردىڭ كامشاتى؟!» دەسەك ەش ارتىقتىعى جوق سەكىلدى. بۇل قاسيەتتى دە كيەلى قازاق جەرىندەگى ۇرپاقتار ساباقتاستىعىن جالعاستىرىپ, جاستاردىڭ بويىنداعى پاتريوتتىق رۋحتى وياتىپ, ۇلت تامىرىن بەكىتە تۇسەر ەدى.
سۇلەيمەن مامەت,
«ەگەمەن قازاقستان».