«نۇر وتان» پارتياسىنىڭ كەزەكتەن تىس سەزىنە بىرنەشە جىل قاتارىنان قاتىسىپ كەلەمىن. ءار قاتىسقان سايىن, جىگەرلەنىپ, بولاشاققا دەگەن سەنىمىم نىعايىپ قايتادى. بۇل جولعى سەزدە پارتيا ءۇشىن, ەڭ باستىسى – حالىق ءۇشىن بىرنەشە جارقىن وقيعا بولدى. اتاپ ايتسام, پارتيا اتاۋىنىڭ ىقشامدالۋى, ساياسي دوكترينانىڭ قابىلدانۋى, پارتيانىڭ جاڭا ەمبلەماسىنىڭ بەكىتىلۋى, الداعى ونجىلدىقتاعى ءمىندەتتەر, پارتيا جارعىسىنا وزگەرىستەر مەن تولىقتىرۋلار ەنگىزىلۋى پارتيانىڭ 15 جىلداعى ءتىرلىگىنىڭ وسكەنىن, وسى ۋاقىتقا دەيىنگى ءوز ءمىندەتىن مۇلتىكسىز اتقارعاندىعىن بىلدىرسە كەرەك.
«نۇر وتان» پارتياسىنىڭ كەزەكتەن تىس سەزىنە بىرنەشە جىل قاتارىنان قاتىسىپ كەلەمىن. ءار قاتىسقان سايىن, جىگەرلەنىپ, بولاشاققا دەگەن سەنىمىم نىعايىپ قايتادى. بۇل جولعى سەزدە پارتيا ءۇشىن, ەڭ باستىسى – حالىق ءۇشىن بىرنەشە جارقىن وقيعا بولدى. اتاپ ايتسام, پارتيا اتاۋىنىڭ ىقشامدالۋى, ساياسي دوكترينانىڭ قابىلدانۋى, پارتيانىڭ جاڭا ەمبلەماسىنىڭ بەكىتىلۋى, الداعى ونجىلدىقتاعى ءمىندەتتەر, پارتيا جارعىسىنا وزگەرىستەر مەن تولىقتىرۋلار ەنگىزىلۋى پارتيانىڭ 15 جىلداعى ءتىرلىگىنىڭ وسكەنىن, وسى ۋاقىتقا دەيىنگى ءوز ءمىندەتىن مۇلتىكسىز اتقارعاندىعىن بىلدىرسە كەرەك.
«نۇر وتان» – حالىق سەنىمىنە يە بولعان ەلىمىزدەگى ەڭ ۇلكەن ساياسي كۇش. ونى اتالعان پارتيانىڭ وسىعان دەيىنگى بارلىق اتقارعان جۇمىستارى مەن جەتكەن جەتىستىگى ايقىنداپ كەلەدى. «نۇر وتان» تۋرالى ءسوز ەتكەندە, كوپشىلىك ونى بيلىك پارتياسى دەيدى. شىن مانىندە, ولاي ەمەس. «نۇر وتان» – باسقارۋشى پارتيا. سوڭعى سايلاۋدا مول سەنىم ارتىپ, داۋىس بەرگەن حالىق «نۇر وتاننىڭ» باسقارۋشى پارتيا اتانۋىنا ىقپال ەتتى. بۇگىنگى تاڭدا پارتيانىڭ 900 مىڭنان استام مۇشەسى بار. سوندىقتان «نۇر وتاننىڭ» نەگىزگى مىندەتى – ازاماتتاردىڭ مۇددەسىن قورعاپ, حالىق پەن بيلىكتىڭ اراسىنداعى التىن كوپىرگە اينالۋ. مىنە, اتالعان پارتيانىڭ باستاماسىمەن تاعى دا ءبىر كەلەشەكتىڭ ۇلى جوسپارى ازىرلەنىپ, سەزدە قابىلداندى. ول – «نۇر وتان» پارتياسى ۇسىنعان دوكترينا. «نۇر وتان. نۇرلى بولاشاق جولىندا!» ساياسي دوكتريناسىندا پارتيانىڭ باستى ماقسات-مىندەتتەرى انىق جازىلعان. بۇل – «قازاقستان-2050» ستراتەگياسىن جۇزەگە اسىرۋدا جانە جالپى ەل دامۋىندا «نۇر وتاننىڭ» ءرولىن انىقتايتىن پارتيانىڭ كونستيتۋتسياسى ىسپەتتەس قۇجات. دوكترينا باستى يدەولوگيالىق قۇجات رەتىندە وسى كۇنگە دەيىن جاسالعان جۇمىستاردى قورىتىندىلاپ, پارتيا مۇشەلەرىن بىرىكتىرەدى. ەڭ باستىسى, دوكترينادا مەملەكەتىمىزدىڭ دامۋى مەن جەتىستىكتەرىنىڭ كەپىلى بولعان ەلباسىنىڭ مەملەكەتتىك باعىتىنىڭ نەگىزگى قاعيدالارى جازىلعان. ويتكەنى, تاۋەلسىز جانە مىقتى مەملەكەتتى قالىپتاستىرىپ, بەيبىتشىلىك پەن بىرلىكتى ساقتاۋ – پرەزيدەنتىمىزدىڭ جۇيەلى ساياساتىنىڭ جارقىن جەمىسى.
ءوز سوزىندە پرەزيدەنتىمىز «قازاقستان-2050» ستراتەگياسى – بۇل پارتيالىق باعدارلامانىڭ نەگىزى. ستراتەگيانىڭ ورىندالۋى تەك «نۇر وتان» پارتياسىنىڭ ساياسي كوشباسشىلىعى جاعدايىندا مۇمكىن ەكەندىگىندە ەش كۇمانىم جوق», دەپ اتاپ ءوتتى. ياعني, ەلباسى پارتياعا ۇلكەن سەنىم ارتىپ وتىر. پارتيانىڭ ءاربىر مۇشەسى مۇنى جاقسى ءتۇسىنىپ, «قازاقستان-2050» ستراتەگياسىنىڭ ورىندالۋىنا جۇمىلا كىرىسۋى كەرەك.
تاعى ءبىر ايتقىم كەلگەنى, ەلباسىنىڭ جاستارعا قاراتا سويلەگەن ءسوزى قاتتى تولعاندىردى. قىزمەتىمىز جاس ۇرپاقپەن تىكەلەي بايلانىستى بولعاندىقتان, بۇل – ءبىزدىڭ جاندى جەرىمىز. ەلىمىزدىڭ ەرتەڭگى تاعدىرى ءبىز وقىتىپ, جوعارى ءبىلىم بەرىپ جاتقان جاستارعا تاۋەلدى. سوندىقتان ەلباسىنىڭ: «جاستار – بۇل ءبىزدىڭ التىن قورىمىز. جاس قازاقستاندىقتاردىڭ پارتيانىڭ, جالپى وتانىمىزدىڭ باعدارىن قولداۋى جانە 2050 جىلعا دەيىنگى كەزەڭگە ارنالعان باعدارلامانى جۇزەگە اسىرۋعا كەڭىنەن قاتىسۋى تاريحي, مورالدىق, تۇراقتاندىرۋشى زور مانگە يە», دەپ اتاپ ءوتۋى ورىندى. شىندىعىندا دا ءبىز كىم ءۇشىن ءومىر ءسۇرىپ, كىمنىڭ بولاشاعىنا الاڭدايمىز.
نۇرسۇلتان ءابىش ۇلى: «ءبىزدىڭ ەلىمىزدە جاسالعاننىڭ بارلىعى دا ەڭ الدىمەن سىزدەرگە جاسالدى جانە ماقسات-مۇراتىمىز, 2050 باعدارلامامىز دا سىزدەر ءۇشىن», دەپ جاستارىمىزدىڭ ساناسىنا قۇيىپ جاتىر. ەسەپتەيتىن بولساق, مەملەكەت باسشىسى ايتقانداي-اق قازىرگى ۋاقىتتا مەكتەپ, نە جوعارى وقۋ ورنىن بىتىرگەن قازىرگى 20 جاستاعى ازامات 2040-2050 جىلدارى ەلىمىزدى باسقارادى ەكەن. تۇسىنە بىلگەن جاسقا بۇل تەك مەملەكەت باسشىسىنىڭ ءسوزى عانا ەمەس, قامقور اكەنىڭ, دانا اتانىڭ ءسوزى.
بۇل سەزدە تەك «نۇر وتاننىڭ» اتقارعان جۇمىسىنا باعا بەرىلىپ قانا قويعان جوق. ەل دامۋىنا, حالىقتىڭ الەۋمەتتىك جاعدايىنا قاجەتتى ماڭىزدى ىستەردى قولعا الۋ ماسەلەلەرى جان-جاقتى ايتىلىپ, پرەزيدەنتىمىز ءبىزدىڭ الدىمىزعا ۇلكەن جاڭا مىندەتتەر قويدى. ءبىزدىڭ باستى مىندەتىمىز – حالقىمىزدىڭ بىرلىگىن ساقتاپ, دامىعان 30 ەلدىڭ قاتارىنا ەنۋگە ايانباي ەڭبەك ەتۋ.
ءابدىماناپ بەكتۇرعانوۆ,
قر ۇعا كوررەسپوندەنت-مۇشەسى,
ءى.جانسۇگىروۆ اتىنداعى جەتىسۋ
مەملەكەتتىك ۋنيۆەرسيتەتىنىڭ رەكتورى.
الماتى وبلىسى.