الماتىدا ءىىم باستاماسىمەن قىلمىستىق-اتقارۋ جۇيەسى كوميتەتىنىڭ پروباتسيا قىزمەتىن ودان ءارى دامىتۋ جانە شارتتى تۇردە سوتتالعاندارعا الەۋمەتتىك-قۇقىقتىق كومەك كورسەتۋدى جەتىلدىرۋ بويىنشا وڭىرلىك سەمينار ءوتتى.
الماتىدا ءىىم باستاماسىمەن قىلمىستىق-اتقارۋ جۇيەسى كوميتەتىنىڭ پروباتسيا قىزمەتىن ودان ءارى دامىتۋ جانە شارتتى تۇردە سوتتالعاندارعا الەۋمەتتىك-قۇقىقتىق كومەك كورسەتۋدى جەتىلدىرۋ بويىنشا وڭىرلىك سەمينار ءوتتى.
مەملەكەت باسشىسى قابىلداعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە پروباتسيا قىزمەتىنىڭ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىن ىسكە اسىرۋ ماقساتىندا جانە قىلمىستىق-اتقارۋ جۇيەسىندەگى قىلمىستىق زاڭنامانى ىزگىلەندىرۋ اياسىندا پروباتسيا قىزمەتى قۇرىلدى.
پروباتسيا قىزمەتىنىڭ فۋنكتسياسىنا باس بوستاندىعىنان ايىرۋمەن بايلانىستى ەمەس جازالاردى ورىنداۋ عانا ەمەس, سونىمەن قاتار, شارتتى تۇردە سوتتالعان ادامدارعا ءبىلىم, كاسىپ الۋدا, ولاردى جۇمىسقا ورنالاستىرۋدا, ەمدەۋدە, سونداي-اق قۇقىقتىق كومەكتى قامتاماسىز ەتۋدە الەۋمەتتىك-قۇقىقتىق كومەك كورسەتۋ دە جاتادى. سەميناردا پروباتسيا قىزمەتىن ودان ءارى جەتىلدىرۋدىڭ نەگىزگى باعىتتارى ايقىندالدى. جەرگىلىكتى اتقارۋشى ورگاندارمەن جانە وزگە دە مەملەكەتتىك ورگاندارمەن ءىس-قيمىل جاساۋدىڭ بىرلەسكەن الگوريتمى پىسىقتالدى.
سونىمەن قاتار, ءبىرىنشى كەزەكتەگى ءبىرلەسكەن مىندەتتەر دە سارالاندى. سەمينار قورىتىندىسى بويىنشا زاڭنامانى ودان ءارى جەتىلدىرۋ جانە جەرگىلىكتى اتقارۋشى ورگاندار مەن پروباتسيا قىزمەتىنىڭ ءتيىمدى ءوزارا ارەكەتتەسۋى تۋرالى ۇسىنىمدار قابىلداندى.
«ەگەمەن-اقپارات».