بيىل ۇبت ءداستۇرلى تۇردە, 20 ماۋسىم مەن 5 شىلدە ارالىعىندا وتكىزىلمەك. مينيسترلىكتىڭ مالىمدەۋىنشە, سانيتارلىق-ەپيدەميولوگيالىق تالاپتار قاتاڭ ساقتالادى.تەستىلەۋ 5 ءپان (3 مىندەتتى جانە 2 بەيىندىك) بويىنشا قاعاز جۇزىندە الىنادى. تەست تاپسىرمالارىنىڭ سانى – 120. ەڭ جوعارى بالل – 140.
وسى ورايدا تالاپكەرلەرگە 2020 جىلعى ۇبت-نىڭ ءبىلىم جانە عىلىم مينيسترلىگى جاريالاعان جاڭاشىلدىقتاردان حاباردار ەتكىمىز كەلەدى.
-تۇلعانىڭ بەت-الپەتىن تانۋ كومەگىمەن (Face ID) سايكەستەندىرۋ;
-ەلەكتروندىق سەرتيفيكات جانە ءبىلىم بەرۋ گرانتىن تاعايىنداۋ تۋرالى ەلەكتروندىق كۋالىك;
-SAT, ACت جانە IB حالىقارالىق ستاندارتتالعان تەستەرىنىڭ بالدارىن ۇبت بالىنا اۋدارۋ;
-شەكتىك بالل جيناماعان تۇلعالارعا ۇبت قايتادان تاپسىرۋ مۇمكىندىگى بەرىلەدى;
-بولاشاق پەداگوگتەر ءۇشىن شەكتىك بالل - 70;
-ۇبت بارىسىندا تۇسىرىلگەن بەينەجازبا ساراپتالادى. تەست تاپسىرۋشىلارى تىيىم سالىنعان زاتتاردى پايدالانعانى انىقتالعان جاعدايدا ۇبت ناتيجەسى دە, تاعايىندالعان ءبىلىم بەرۋ گرانتى دا كۇشىن جويادى;
-ۇبت تاپسىرۋ ورىندارىندا كالكۋلياتور بەرىلەدى;
-تەستىلەۋ ۋاقىتى 4 ساعاتتان قۇرالماق.