تاقىرىپقا شىعارىپ وتىرعانىمىزداي, «نۇر وتان» حدپ باتىس قازاقستان وبلىستىق فيليالىنىڭ توراعاسى نۇرلان نوعاەۆ وبلىستىق كونفەرەنتسيادا ساياسي دوكترينا جوباسىنا قاتىستى وسىنداي انىقتاما بەردى. سونىمەن بىرگە, ول سوڭعى ۋاقىتتا ساياسي پارتيا بيلىك پەن حالىق اراسىنداعى كوپىرگە اينالىپ كەلە جاتقانىن اتاپ كورسەتتى.
تاقىرىپقا شىعارىپ وتىرعانىمىزداي, «نۇر وتان» حدپ باتىس قازاقستان وبلىستىق فيليالىنىڭ توراعاسى نۇرلان نوعاەۆ وبلىستىق كونفەرەنتسيادا ساياسي دوكترينا جوباسىنا قاتىستى وسىنداي انىقتاما بەردى. سونىمەن بىرگە, ول سوڭعى ۋاقىتتا ساياسي پارتيا بيلىك پەن حالىق اراسىنداعى كوپىرگە اينالىپ كەلە جاتقانىن اتاپ كورسەتتى.
كەزەكتەن تىس كونفەرەنتسيادا وعان قاتىسۋشىلار ساياسي دوكترينا جوباسىنا قاتىستى ءوز وي-پىكىرلەرىن ورتاعا سالدى. ءبىز تومەندە سونىڭ بىرقاتارىن وقىرماندار نازارىنا تۇيىندەپ بەرگەندى ءجون كوردىك.
مۇرات سىدىقوۆ, وبلىستىق تاريح جانە ارحەولوگيا ورتالىعىنىڭ ديرەكتورى: – دوكترينا نەگە وسى كەزگە دەيىن قابىلدانبادى دەپ جۇرگەندەر بار. ءار ءىستىڭ دە ءپىسىپ-جەتىلەتىن ۋاقىتى بولادى. ءبىز سول كەزگە ەندى كەلىپ وتىرمىز. ناقتى ايتقاندا, ول – «قازاقستان 2050» ستراتەگياسى يدەيالارىنا ءنار, قۋات بەرەتىن تاپتىرماس تەتىك. دوكترينانىڭ حالىقتىق سيپاتى مەن ءمانى وتە جوعارى. بۇل جونىندە ايتىلىپ تا, جازىلىپ تا ءجۇر. بۇعان قوسارىم, دوكترينا جوباسىنا مەملەكەتىمىزدەگى دەموگرافيالىق احۋالدى تەرەڭدەتۋ جانە جاس وتباسىلاردى قولداۋ جونىندە ارنايى تارماقتار ەنگىزىلسە ەكەن.
داۋلەتجان جاقسىباەۆ, اقجايىق اۋداندىق ءماسليحاتىنىڭ حاتشىسى: – XV سەزدە قابىلداناتىن پارتيانىڭ باستى قۇجاتىنا ەش ۋاقىتتا ءمانىن جويمايتىن تاۋەلسىزدىك تالاپتارى ءتىن بولىپ ەنۋىن قالايمىز. ءبىزدىڭ قوعامدا ادىلەتسىزدىك پەن كەلەڭسىز كورىنىستەرگە جانە ار-وجدان تازالىعىنا قاتىستى كۇرەس بۇكىلحالىقتىق سيپات السا, مەملەكەتىمىزدىڭ بولاشاعى دا سوعۇرلىم جارقىن بولماق. سوندىقتان دا ساياسي دوكترينادا بۇل ماسەلەلەرگە تەرەڭىرەك ءمان بەرىلۋىن قالايمىن.
بۇعان قوسا, كونفەرەنتسيادا جاڭاقالا اۋدانىنىڭ اكىمى لاۆر حايرەتدينوۆ ساياسي دوكترينا جوباسى «قازاقستان 2050» ستراتەگياسىن قولداۋ مەن ىسكە اسىرۋدىڭ جالپىۇلتتىق جوباسى بولا الاتىنى جونىندە وي ساباقتادى. ال ورال قالالىق ءماسليحاتىنىڭ دەپۋتاتى ليانا تۇرسىنوۆا دوكترينا جوباسىنا قاتىستى تالقىلاۋلار تەك «نۇر وتان» مۇشەلەرى اراسىندا عانا ەمەس, سونىمەن بىرگە, وزگە قاراپايىم تۇرعىندار اراسىندا دا وتكىزىلگەنىن, ءارى اتالعان قۇجات ولاردىڭ تاراپىنان قولداۋ تاپقانىن ايتىپ بەردى.
كونفەرەنتسياعا «نۇر وتان» حدپ ساياسي كەڭەسىنىڭ مۇشەسى, پارلامەنت ءماجىلىسىنىڭ دەپۋتاتى رومين ءمادينوۆ قاتىسىپ, ءسوز سويلەدى.
كونفەرەنتسيادا پارتيانىڭ XV سەزىنە دەلەگاتتار سايلاندى.
تەمىر قۇسايىن,
«ەگەمەن قازاقستان».
باتىس قازاقستان وبلىسى.