بۇگىن «فوليانت» باسپاسى باعاسى 100 تەڭگەدەن باستالاتىن كىتاپتارىن ساۋداعا شىعارىپ, جاپپاي ساتىلىمىن باستادى. 21-23 مامىر كۇندەرى وتەتىن كىتاپ جارمەڭكەسى باسپا ءۇيىنىڭ اۋلاسىندا ءوتتى.
سونىمەن, اشىق اسپان استىندا ءوتىپ جاتقان جارمەڭكەگە بەيسەنبى مەن سەنبى ارالىعىندا بارىپ, «فوليانت» باسپاسىنان شىققان ءتۇرلى تاقىرىپتاعى كىتاپتاردى قولجەتىمدى باعاعا الا الاسىز. ەڭ باستىسى, كارانتين رەجىمىنە سايكەس بەتپەردەڭىز بەن قولعابىڭىزدى سايلاپ بارساڭىز بولعانى. مۇندا قازاق اقىندارىنىڭ ولەڭ جيناقتارىنان باستاپ, شەشەندىك كىتاپتار, الەم ادەبيەتىنىڭ ۇزدىك شىعارمالارى, سونداي-اق بالالارعا ارنالعان كىتاپتار دا ساتىلىمدا تۇر. كىتاپ سورەڭىزدى جاڭا شىعارمالارمەن جاڭارتامىن دەسەڭىز, جارمەڭكەدەن قالىس قالماڭىز, وقىرمان.