25 قىركۇيەكتە قازاقستان پرەزيدەنتى نۇرسۇلتان نازارباەۆ جوعارى ەۋرازيالىق ەكونوميكالىق كەڭەستىڭ وتىرىسىنا قاتىسۋ ءۇشىن استاناعا كەلەتىن كەدەن وداعى مەن بىرىڭعاي ەكونوميكالىق كەڭىستىككە مۇشە ەلدەردىڭ ۇكىمەت باسشىلارىمەن جانە بايقاۋشىلارىمەن كەزدەسەدى.
25 قىركۇيەكتە قازاقستان پرەزيدەنتى نۇرسۇلتان نازارباەۆ جوعارى ەۋرازيالىق ەكونوميكالىق كەڭەستىڭ وتىرىسىنا قاتىسۋ ءۇشىن استاناعا كەلەتىن كەدەن وداعى مەن بىرىڭعاي ەكونوميكالىق كەڭىستىككە مۇشە ەلدەردىڭ ۇكىمەت باسشىلارىمەن جانە بايقاۋشىلارىمەن كەزدەسەدى.
كەزدەسۋدە ەۋرازيالىق ەكونوميكالىق ينتەگراتسيانى ودان ءارى تەرەڭدەتۋ, سونداي-اق 2013 جىلى 29 مامىردا استانادا وتكەن جوعارى ەۋرازيالىق ەكونوميكالىق كەڭەستىڭ وتىرىسى بارىسىندا قول جەتكىزىلگەن كەلىسىمدەردى ىسكە اسىرۋ, سونىڭ ىشىندە ەۋرازيالىق ەكونوميكالىق وداق تۋرالى شارتتى دايارلاۋ تۋرالى كەڭ اۋقىمدى ماسەلەلەر قارالاتىن بولادى.
27-28 قىركۇيەكتە مەملەكەت باسشىسى نۇرسۇلتان نازارباەۆ كنياز II البەردىڭ شاقىرۋى بويىنشا موناكو كنيازدىگىنە رەسمي ساپارمەن بارادى.
ساپار بارىسىندا موناكو كنيازى II البەرمەن ەكىجاقتى كەلىسسوزدەر جۇرگىزۋ, سونداي-اق قازاقستان-موناكو بيزنەس-فورۋمى اياسىندا ەكى ەلدىڭ ىسكەر توپتارىمەن كەزدەسۋ قاراستىرىلىپ وتىر.
قازاقستان پرەزيدەنتىنىڭ ساپارى موناكو كنيازدىگىمەن ىنتىماقتاستىقتىڭ بارلىق قىرلارىن دامىتۋ جونىندە قول جەتكىزىلگەن كەلىسىمدەردى, 2012 جىلى قاراشادا قول قويىلعان ەكى مەملەكەت باسشىلارىنىڭ ءبىرلەسكەن دەكلاراتسياسىندا كورىنىس تاپقان باستى باعىتتاردى ىلگەرىلەتۋگە باعىتتالعان, دەپ حابارلادى پرەزيدەنتتىڭ ءباسپاسوز قىزمەتى.