ەلىمىزدە جاريالانعان توتەنشە جاعداي رەجىمىن قاتاڭ ساقتاۋعا كوشكەن مەكتەپ وقۋشىلارى قازىرگى كەزدە قاشىقتان ءبىلىم الۋدا. كارانتين كەزىندەگى ءبىلىم ۇستازدارمەن قاتار, وقۋشىلار مەن اتا-انالارعا دا زور جاۋاپكەرشىلىكتەر جۇكتەپ وتىر. وسى ورايدا ءاربىر اتا انا بالالاردىڭ ءبىلىم الۋ ساپاسى, ۇبت-نى تاپسىرۋ كورسەتكىشتەرى الاڭداتادى.
دەگەنمەن, «جۇمىلا كوتەرگەن جۇك جەڭىل» دەگەندەي مەكتەپ ۇستازدارىنىڭ كۇندەلىكتى قولداۋىنىڭ ارقاسىندا وقۋشىلاردىڭ دايىندىعى كۇشەيە تۇسكەن. قازىرگى كەزدە الماتى قالاسىنىڭ №178 ليتسەيىندە قاشىقتىقتان وقىتۋ باعدارلاماسى تەرەڭ ءارى اۋقىمدى قامتىلىپ, مەكتەپ بىتىرۋشىلەرگە ۇبت-عا دايىندىق تەستتەرى اپتا سايىن جۇرگىزىلۋدە. بالالالارعا مەكتەپ پسيحولوگتارى مەن ءپان مۇعالىمدەرىنىڭ كومەگى, قولداۋ كورسەتۋى ولاردىڭ وسىنداي قيىن ساتتە وزدەرىنە دەگەن سەنىمىن ارتتىرۋدا. ق.ح. شاديەۆ مىرزا باسقارىپ وتىرعان ليتسەيدە بيىل قالا بويىنشا بىتىرۋشىلەر سانى ەرەكشە كوپ.
ونىڭ ىشىندە «التىن بەلگىگە» ۇمىتكەرلەر 60-قا جۋىق. وسى تۇلەكتەردى ۇبت-عا تىركەۋ بۇرىنعىداي ەمەس, جاڭا فورماتتا جۇرگىزىلدى. بۇل وڭاي جۇمىس ەمەس. وقۋ ءىسىنىڭ مەڭگەرۋشىسى ك.س. شاجاباەۆا مەن 11-سىنىپ جەتەكشىلەرىنىڭ ەرەن ەڭبەگىنىڭ ارقاسىندا بارلىق وقۋشىلار ۇبت-عا جۇيەلى تۇردە تىركەلدى.
ساناۋلى كۇندەردەن سوڭ مەكتەپ تابالدىرىعىن اتتاپ, ءومىردىڭ جاڭا باسپالداعىن اتتاعالى وتىرعان وقۋشىلاردىڭ اتا-انالارىنىڭ اتىنان ۇلاعاتتى ۇستازدار ۇيىمىنا شەكسىز العىسىمىزدى بىلدىرگىمىز كەلەدى. ەرتەڭگى كۇنى بالالار قالاعان وقۋ ورىندارىنا ءتۇسىپ جاتسا, ۇستازدار ەڭبەگىنىڭ جانعانى. ۇستاز ءۇشىن ودان ارتىق باقىت بار ما؟! وسىنداي پىكىرلەرىمەن بولىسكەن 11-سىنىپ وقۋشىلارىنىڭ اتا-انالارى ۇبت-نى بالالاردىڭ جوعارى كورسەتكىشتەرمەن تاپسىراتىنىنا ۇلكەن سەنىم ارتادى.