پرەزيدەنت جانىنداعى جاستار ساياساتى جونىندەگى كەڭەستىڭ وتاندىق مەديا-قاۋىمداستىق وكىلدەرىمەن بولعان كەشەگى كەزدەسۋى بارىسىندا ەلباسىنىڭ «جاس وتان» جاستار قاناتىنىڭ ءىى سەزىندە بەرگەن تاپسىرماسى بويىنشا قۇرىلعان جاستار باستامالارى قورىنىڭ تۇساۋكەسەر ءراسىمى بولىپ ءوتتى.
پرەزيدەنت جانىنداعى جاستار ساياساتى جونىندەگى كەڭەستىڭ وتاندىق مەديا-قاۋىمداستىق وكىلدەرىمەن بولعان كەشەگى كەزدەسۋى بارىسىندا ەلباسىنىڭ «جاس وتان» جاستار قاناتىنىڭ ءىى سەزىندە بەرگەن تاپسىرماسى بويىنشا قۇرىلعان جاستار باستامالارى قورىنىڭ تۇساۋكەسەر ءراسىمى بولىپ ءوتتى.
بۇل قوردى قۇرۋداعى باستى ماقسات – جاستار باستامالارىن قولداۋ جانە جاستار ساياساتىن قالىپتاستىرۋعا كومەك كورسەتۋ. تارقاتىپ ايتقاندا, قور جاستار ۇيىمدارىنىڭ الەۋمەتتىك ماڭىزدى جوبالارىن ىسكە اسىرۋدا قولداۋ كورسەتۋدى جانە جاستاردىڭ شىعارماشىلىق دەڭگەيىن ۇشتاي ءتۇسۋدى كوزدەيدى. سونداي-اق جاستار ءۇشىن الەۋمەتتىك اسەرى بار ەلىمىزدىڭ ءال-اۋقاتىن كوتەرۋگە باعىتتالعان جاستار كاسىپكەرلىگىن ارتتىرۋدى ماقسات تۇتادى. بۇدان باسقا, قور جاستاردىڭ عىلىمي جۇمىستارى مەن جاس عالىمداردى قولداۋ, جاستارمەن جۇمىس جاسايتىن مامانداردى دايارلاۋ جانە قايتا دايارلاۋ قىزمەتتەرىن ىسكە اسىرۋعا قولۇشىن سوزاتىن بولادى. جانە دە ءبىلىم-عىلىممەن قاتار سپورت, مادەنيەت, ەكولوگيا جانە ونەر سالاسىنداعى جاستاردى دامىتۋعا باعىتتالعان يننوۆاتسيالىق جوبالاردى ىنتالاندىرۋعا باستاماشى توپتار مەن جاستار ۇيىمدارىن گرانتتىق قولداۋ ماسەلەلەرىمەن اينالىسادى دەپ كۇتىلۋدە.
پرەزيدەنت اكىمشىلىگى باسشىسىنىڭ ورىنباسارى, پرەزيدەنت جانىنداعى جاستار ساياساتى جونىندەگى كەڭەس توراعاسى عابيدوللا ءابدىراحىموۆتىڭ سوزىنە قاراعاندا, بۇل كەڭەستىڭ قۇرىلعانىنا بيىل بەس جىل تولىپ وتىر ەكەن. اتالعان كەڭەس 2008 جىلى پرەزيدەنت جارلىعىمەن قۇرىلىپتى. ال كورپوراتيۆتىك باسقارۋ قوردىڭ اشىقتىعىن قامتاماسىز ەتەتىن بولادى. قوردىڭ قامقورشىلىق كەڭەسىنىڭ قۇرامى كەيىن قوسىمشا حابارلاناتىنى ايتىلدى. «ديپلوممەن – اۋىلعا!», جاستار پراكتيكاسى, «جاسىل ەل» سياقتى مەملەكەتتىك باعدارلامالار جۇزەگە استى. وڭىرلەردە كەزدەسۋلەر وتكىزىلىپ, جاستاردىڭ ماسەلەلەرى بويىنشا ءبىراز ۇسىنىستار ەنگىزىلدى.
جاستار ساياساتى جونىندەگى كەڭەس توراعاسى وسى رەتتە استانادا پرەزيدەنت تاپسىرماسىمەن جاڭا جاستار سارايىنىڭ قۇرىلىسى باستالعاندىعىن تىلگە تيەك كەتتى. وندا قوردىڭ شتاب-پاتەرى عانا ەمەس, سونىمەن قاتار, كوپتەگەن جاستار ۇيىمدارىنىڭ جايلارى دا ورنالاسادى ەكەن.
باسقوسۋ بارىسىندا «KINOPARK» كينوتەاترلار جەلىسىمەن ارىپتەستىك تۋرالى مەموراندۋمعا رەسمي قول قويۋ ءراسىمى ءوتتى. مۇنداي يگى شارا «قازاقستان كۆن وداعى» رەسپۋبليكالىق جاستار قوعامدىق بىرلەستىگىمەن (مەملەكەتتىك تىلدە – «جايدارمان» كتك ليگاسى) ارىپتەستىك تۋرالى مەموراندۋمعا رەسمي قول قويۋمەن جالعاسىن تاپتى. كينوپروكاتپەن اينالىساتىن ۇيىممەن مەموراندۋمعا وتىرۋ قازاقستاننىڭ كوپتەگەن قالالارىندا الەۋمەتتىك ماڭىزى بار روليكتەردى اينالدىرۋمەن بايلانىستى. ال «قازاقستان كۆن وداعى» رەسپۋبليكالىق جاستار قوعامدىق بىرلەستىگىمەن قول قويىلعان مەموراندۋم «جايدارمان» كتك ليگاسى ارقىلى قازاقستاننىڭ تاريحى مەن مەملەكەتتىك ءتىلدى ەلگە كەڭىنەن ناسيحاتتاۋعا مۇمكىندىك تۋعىزادى دەپ كۇتىلۋدە.
اسقار تۇراپباي ۇلى,
«ەگەمەن قازاقستان».
سۋرەتتى تۇسىرگەن
ەرلان وماروۆ.