اقتاۋدا حالىقارالىق بيزنەس اكادەمياسى جانىنداعى مەملەكەتتىك جانە قوعامدىق ساياسات مەكتەبىنىڭ ءبىلىم بەرۋ باعدارلامالارى كۋرسى اشىلدى.
ىسكە قوسىلعان «دەنساۋلىق ساقتاۋ سالاسىنداعى مەنەدجمەنت» جانە «مەملەكەتتىك سەكتورداعى مەنەدجمەنت» اتتى ماگيسترلىك ءبىلىم بەرۋ باعدارلامالارىنىڭ تىڭداۋشىلارى – 34 مەملەكەتتىك قىزمەتكەر جانە دەنساۋلىق ساقتاۋ سالاسىنىڭ 23 توپ-مەنەدجەرى.
اقتاۋدا حالىقارالىق بيزنەس اكادەمياسى جانىنداعى مەملەكەتتىك جانە قوعامدىق ساياسات مەكتەبىنىڭ ءبىلىم بەرۋ باعدارلامالارى كۋرسى اشىلدى.
ىسكە قوسىلعان «دەنساۋلىق ساقتاۋ سالاسىنداعى مەنەدجمەنت» جانە «مەملەكەتتىك سەكتورداعى مەنەدجمەنت» اتتى ماگيسترلىك ءبىلىم بەرۋ باعدارلامالارىنىڭ تىڭداۋشىلارى – 34 مەملەكەتتىك قىزمەتكەر جانە دەنساۋلىق ساقتاۋ سالاسىنىڭ 23 توپ-مەنەدجەرى. تىڭداۋشىلاردىڭ ءوڭىردىڭ جانە ەمدەۋ-ساۋىقتىرۋ مەكەمەسىنىڭ جەدەل دامۋى, ستراتەگيالىق مەنەدجمەنتى, وڭىردە ناقتى جانە ءتيىمدى بيزنەس-ۇدەرىسىن قۇرۋ, اۋماقتار مەن ۇيىمدار ماركەتينگى, سونداي-اق, Project Management سىندى زاماناۋي ىقپالدى تەحنولوگيالاردى قولدانا باستاۋى – باعدارلامانىڭ وزىندىك ەرەكشەلىگى بولىپ تابىلادى.
«دەنساۋلىق ساقتاۋ سالاسىنداعى مەنەدجمەنت» باعدارلاماسىنا باستاماشى جانە تاپسىرىس بەرۋشى رەتىندە ەلىمىزدىڭ دەنساۋلىق ساقتاۋ مينيسترلىگى كىرىسىپ وتىر. باعدارلاما اياسىندا ءبىلىمىن كوتەرگەن قىزمەتكەرلەر حالىققا كورسەتەتىن قىزمەتتە وڭ ناتيجەلەر شىعاراتىن بولادى, دەيدى قر دەنساۋلىق ساقتاۋ ۆيتسە-ءمينيسترى ب.توكەجانوۆ.
ۆەنگرياداعى ورتالىق ەۋروپا ۋنيۆەرسيتەتتەرىمەن, اقش-تىڭ بەدەلدى مەملەكەتتىك ساياسات مەكتەپتەرىمەن سەرىكتەس بولىپ تابىلاتىن باعدارلامادا كاسىپكەرلىك الەمىندە جانە اكادەميالىق سالادا مول جۇمىس تاجىريبەسى بار بىلىكتى وقىتۋشىلار ءدارىس وقىپ, شەبەرلىك سىنىپتارىن وتكىزەدى. ءبىر جىل بويى ءار ايدا 4 رەت وتەتىن باعدارلامانى تىڭداۋشىلار ديسسەرتاتسيا قورعاۋمەن ءتامامدايدى, تابىستى قورعاعاندارعا ماگيستردىڭ اكادەميالىق دارەجەسى مەن مەملەكەتتىك ۇلگىدەگى ديپلوم بەرىلەدى.
– باعدارلاما حالىققا ساپالى قىزمەت كورسەتەتىن كادرلار دايىنداۋعا باعىتتالعان. قازىر وبلىسىمىزدىڭ ءبىلىم بەرۋ مەن دەنساۋلىق ساقتاۋ سالالارىندا بىرقاتار ماسەلەلەر بار. وسى قيىندىقتاردى شەشۋ ءۇشىن بىلىكتى كادرلار دايىنداۋدىڭ ماڭىزى زور, – دەيدى ماڭعىستاۋ وبلىسىنىڭ اكىمى ا.ايدارباەۆ.
حالىق جاقسى ىسكە قاشاندا تىلەكشى. باعدارلاما اياسىندا ءبىلىم الىپ, بىلىك جەتىلدىرگەن مامانداردىڭ جۇمىسىنان سەرپىن كۇتىپ, سەنىم جۇكتەيدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى