كەشە پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ جۇمىس ساپارىمەن قاراعاندى وبلىسىندا بولدى.
الدىمەن تەمىرتاۋدا وتكەن «نۇر وتان» حدپ قالالىق فيليالىنىڭ كەزەكتەن تىس كونفەرەنتسياسىنا قاتىسىپ, ەلباسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىنان تۋىندايتىن مىندەتتەردىڭ جۇزەگە اسىرىلۋ بارىسى جانە پارتيانىڭ قوعامدىق تالقىلاۋعا ۇسىنعان دوكتريناسى تۋرالى دەلەگاتتارمەن وي ءبولىسىپ, ءسوز سويلەدى. بۇل ماڭىزدى قۇجاتتىڭ نەگىزگى باعىتتارى جان-جاقتى ءتۇسىندىرىلدى. تەمىرتاۋلىقتارمەن اڭگىمەلەسۋ تۇڭعىش پرەزيدەنتتىڭ تاريحي-مادەني ورتالىعىندا ازاماتتاردى جەكە سۇراقتارى بويىنشا قابىلداۋمەن جالعاستى.
كەشە پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ جۇمىس ساپارىمەن قاراعاندى وبلىسىندا بولدى.
الدىمەن تەمىرتاۋدا وتكەن «نۇر وتان» حدپ قالالىق فيليالىنىڭ كەزەكتەن تىس كونفەرەنتسياسىنا قاتىسىپ, ەلباسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىنان تۋىندايتىن مىندەتتەردىڭ جۇزەگە اسىرىلۋ بارىسى جانە پارتيانىڭ قوعامدىق تالقىلاۋعا ۇسىنعان دوكتريناسى تۋرالى دەلەگاتتارمەن وي ءبولىسىپ, ءسوز سويلەدى. بۇل ماڭىزدى قۇجاتتىڭ نەگىزگى باعىتتارى جان-جاقتى ءتۇسىندىرىلدى. تەمىرتاۋلىقتارمەن اڭگىمەلەسۋ تۇڭعىش پرەزيدەنتتىڭ تاريحي-مادەني ورتالىعىندا ازاماتتاردى جەكە سۇراقتارى بويىنشا قابىلداۋمەن جالعاستى.
مينيستر سونداي-اق , وسىندا كاسىپورىندار باسشىلارىمەن, كاسىپكەرلەرمەن, پرەزيدەنت ن.ءا.نازارباەۆتىڭ بيىلعى جولداۋىن ءتۇسىندىرۋ جونىندەگى اقپاراتتىق-ناسيحاتتىق توپ مۇشەلەرىمەن كەزدەستى. مەملەكەت باسشىسىنىڭ ەل ەكونوميكاسىن ودان ءارى نىعايتۋ, يننوۆاتسيالىق ۇدەرىستەردى دامىتۋ, ءوندىرىستى ءارتاراپتاندىرۋ, ورتا جانە شاعىن بيزنەستى قولداۋ تالاپتارىنا سايكەس اتقارىلىپ جاتقان ءىس-شارالار مەن مىندەتتەر ورتاعا سالىنىپ, تالقىلاندى. قاتىسۋشىلار وزدەرىن تولعاندىرعان ساۋالدار قويىپ, پىكىر الماستى.
ءا. يسەكەشەۆ بۇدان سوڭ «سارىارقا» ەركىن ەكونوميكالىق ايماعىندا بولىپ, مۇندا ماڭىزدى بىرنەشە جوبالاردى ىسكە اسىرۋشى «بەمەر ارماتۋرا» , «يزوپليۋس ورتالىق ازيا» , «حەنۆۋ ورتالىق ازيا» جشس-لار جۇمىسىنا زەر سالدى. اتالعان سەرىكتەستىكتەر جەتەكشىلەرىمەن ارادا « سارىارقا» ەەا مۇمكىندىگىن جەتىلدىرۋ, ينۆەستيتسيالىق بەلسەندىلىكتى كۇشەيتۋ, بىرلەسىپ شەشىلۋگە ءتيىستى تولعاقتى ماسەلەلەر , كەيبىر تۇيتكىلدى جايلار جونىندە اڭگىمە قوزعالدى. ءوڭىردىڭ عانا ەمەس, بۇكىل ەل ەكونوميكاسى تىنىسىنا جاڭا سەرپىن بەرەتىن ايماقتى تەز ارادا وركەندى ءوندىرىس ورتاسىنا اينالدىرۋ ماقساتىنا بايلانىستى ورتاق مۇددەلى مىندەتتەر سارالاندى. نىسانداردى ارالاعان سوڭ « قاراعاندى ينۆەست» جانە «مەتاللۋرگيا, مەتالل وڭدەۋ يندۋستريالىق پارك» جشس باسشىلارىنىڭ ەسەبى تىڭدالدى. سونىمەن بىرگە ءا.يسەكەشەۆ اۆتونومدى ەنەرگيا قۇرۋ, ەكولوگيالىق تازا جانە قالدىقسىز ءونىم ءوندىرۋ تەحنولوگياسىن قولدانۋدى وندىرىسكە كەڭىنەن ەنگىزۋشى «كەنجەر» اق پەن كەن بايىتۋ جانە تاۋ-كەن جابدىقتارىن جوندەيتىن «SVK GROUP» كومپانياسى توبىنىڭ وندىرىستىك بازاسى جۇمىسىمەن تانىستى.
جۇمىس ساپارى سوڭىندا اسەت يسەكەشەۆ وبلىس اكىمى باۋىرجان ابدىشەۆپەن بىرگە ايماقتىڭ الەۋمەتتىك-ەكونوميكالىق دامۋىنىڭ وزەكتى ماسەلەلەرىن تالقىلاۋعا ارنالعان وبلىس اكتيۆىمەن جيىن وتكىزدى. وزگەرىس ولشەمى ءوندىرىس سانالاتىن ءوڭىر الدىنا سالانى دامىتۋ باعىتىندا ناقتى مىندەتتەر قويىلدى.
ايقىن نەسىپباي,
«ەگەمەن قازاقستان».
قاراعاندى.