ساداقاعا قول سۇققان ۇرى ۇستالدى

پوليتسيا دەپارتامەنتىنىڭ ەڭبەكشى اپب-نا جەرگىلىكتى تۇرعىن قالاداعى مەشىتتەردىڭ بىرىندە ساداقا جاشىگىنىڭ ۇرلانعانى تۋرالى ارىزدانعان.

بەلگىسىز تۇلعا تۇنگى ۋاقىتتا مەشىت اۋلاسىنا كىرىپ, قايىرىمدىلىق جاشىگىنىڭ قۇلپىن بۇزىپ, جالپى سوماسى 9000 تەڭگەگە جۋىق اقشانى ۇرلاپ كەتكەن.

تەرگەۋ جانە كريمينالدىق پوليتسيا باسقارمالارى قىزمەتكەرلەرىنىڭ جەدەل جۇمىستارىنىڭ ناتيجەسىندە كۇدىكتى ۇستالدى. ول 26 جاستاعى قالا تۇرعىنى بولىپ شىقتى.

اتالعان جايت بويىنشا قر قك 188-بابىمەن (ۇرلىق) سوتقا دەيىنگى تەرگەپ-تەكسەرۋ جۇرگىزىلۋدە.

كۇدىكتىنىڭ بۇدان باسقا تاعى 6 بوتەن م ۇلىكتى ۇرلاۋ جايتىنا قاتىسى بار ەكەنى, سونداي-اق قىلمىستارىنىڭ نەگىزگى بولىگىن جەكەمەنشىك ۇيلەردە جاساعانى انىقتالدى.

كۇدىكتىگە ەشقايدا كەتپەۋ تۋرالى قولحات تۇرىندەگى بۇلتارتپاۋ شاراسى قولدانىلدى.

شىمكەنت