جامبىل وبلىسىنىڭ ەرىكتىلەرى كوروناۆيرۋس ىندەتىنىڭ تارالۋىنا بايلانىستى ەلىمىزدە توتەنشە جاعداي ەنگىزىلگەننەن باستاپ, كۇن سايىن وڭىردەگى بارلىق قالا مەن اۋدان تۇرعىندارىنا ءتۇسىندىرۋ جۇمىستارىن جۇرگىزۋدە. الەمدى شارپىعان ىندەتتىڭ الدىن الۋ ماقساتىندا اۋليەاتالىق ەرىكتىلەر وزدەرى تىككەن 10 مىڭ دانا مەديتسينالىق ماسكالاردى قالا تازالىعىنا جاۋاپتى جۇمىسشىلار مەن تۇرعىندارعا تاراتتى.
«جامبىلدىق ەرىكتىلەر وسى ۋاقىتقا دەيىن 30 مىڭ ۇنقاعاز, بۇكتەمەلەر مەن مەديتسينالىق ماسكالار تاراتىپ, 15 رەيد ۇيىمداستىردى. سونىمەن قاتار, الەۋمەتتىك از قامتىلعان, كوپبالالى جانە جالعىزىلىكتى قاريالارعا ء«بىز بىرگەمىز» ۇرانىمەن ءبىرىنشى كەزەكتەگى قاجەتتى 700 دانا ازىق-ت ۇلىكتەر مەن گيگيەنالىق زاتتار سالىنعان قوراپتار ۇلەستىردى», دەيدى جامبىل وبلىستىق جاستار ساياساتى ماسەلەلەرى باسقارماسىنىڭ باسشىسى سەرىكبول بەرىكقوجا. سونداي-اق, ول اتالعان باسقارمانىڭ «قوعامدىق ساقشى» جوباسىن جىل باسىنان بەرى جۇزەگە اسىرىپ كەلە جاتقانىن جەتكىزدى. وعان «جىبەك جولى», «اق سۇڭقار», «تەمىرقازىق» ۆولونتەرلىك قوزعالىستارى مەن وڭىردەگى «Jas Otan» جاستار قاناتى, «قازاقستان ستۋدەنتتەر اليانسى» جانە «جاس سارباز» اسكەري-پاتريوتتىق جاستار ۇيىمىنىڭ ەرىكتىلەرى تارتىلعان. اتالعان جوبا اياسىندا ەرىكتىلەر مەرەكە كۇندەرى قاداعالاۋ شارالارىنا اتسالىسىپ, ساياباقتاردا, كوشەلەردە جانە مولتەكاۋدانداردا ءتۇسىندىرۋ جۇمىستارىن جۇرگىزگەن. ولار مەيرامحانالار, ويىن-ساۋىق ورتالىقتارى, كافەلەر مەن اسحانالاردىڭ ساعات 22.00-دەن كەيىن جابىق بولۋىن وبلىستىق پوليتسيا دەپارتامەنتى قىزمەتكەرلەرىمەن بىرلەسە قاداعالاپ, ارنايى رەيدتىك جۇمىستارعا قاتىسۋدا.
جامبىل وبلىسى