الەمدىك ستاتيستيكا بويىنشا كوروناۆيرۋسپەن اۋىرعاندار سانى 100 ادامنان اسقاننان كەيىن, كۇن سايىن 33 پايىزعا ءوسىپ وتىرادى ەكەن. اۋرۋحاناعا جاتۋعا ءماجبۇر ناۋقاستاردىڭ سانى 20 پايىزعا, ينتەنتسيۆتىك تەراپيانى قاجەت ەتەتىندەر 5 پايىزعا كوبەيگەن.
زەرتتەۋشىلەردىڭ سوزىنە سۇيەنسەك, كەلەسى 3 اپتانىڭ ىشىندە COVID-19 جۇقتىرعاندار سانى 220 مىڭنان اسىپ تۇسەدى. بىراق كوبىسىنىڭ اۋرۋى جەڭىل تۇردە وتەتىندىكتەن ەسكەرىلمەي قالادى. ولاردىڭ تۇجىرىمى بويىنشا قازاقستاننىڭ دەنساۋلىق ساقتاۋ جۇيەسىنىڭ كريتيكالىق سانى 2 مىڭنان اسپايدى. سەبەبى ۆيرۋستىڭ الدىن الۋ شارالى وتە بەلسەندى. ەگەر اۋىرعاندار سانى بۇل دەڭگەيدەن اسىپ تۇسەتىن بولسا ادام شىعىنى كوبەيۋى ىقتيمال.