شىڭعىرلاۋلىق كاسىپكەر جاۋاپقا تارتىلدى

باتىس قازاقستان وبلىستىق سوتىنىڭ ءباسپاسوز قىزمەتىنىڭ حابارلاۋىنشا, وقيعا بىلاي بولعان: جەكە كاسىپكەر اۋىلداعى دۇكەننەن ساعات 23:20 شاماسىندا الكوگولدىك ىشىمدىك ساتقان. وسىلايشا «قازاقستان رەسپۋبليكاسىندا توتەنشە جاعدايدى ەنگىزۋ تۋرالى», قازاقستان رەسپۋبليكاسى پرەزيدەنتىنىڭ 2020 جىلعى 15 ناۋرىزداعى № 285 جىلعى جارلىعى, «قازاقستان رەسپۋبليكاسىنا پاندەميا كەزەنىندە كورونوۆيرۋستىق ينفەكتسيانىڭ اكەلىنۋىن جانە تارالۋىن بولدىرماۋ جونىندەگى شارالاردى كۇشەيتۋ تۋرالى» قازاقستان رەسپۋبليكاسى ۇكىمەتىنىڭ 2020 جىلعى 12 ناۋرىزداعى № 20 قاۋلىسىنىڭ تالاپتارىن ورىنداماعان.

توتەنشە جاعداي رەجيمiن بۇزعانى ءۇشىن جەكە كاسىپكەر «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 476-بابىنىڭ 6-تارماعى بويىنشا 10 ايلىق ەسەپتىك كورسەتكىش, ياعني 26 510 تەڭگە اكىمشىلىك ايىپپۇل سالۋ تۇرىندەگى اكىمشىلىك جازاعا تارتىلدى.

سونىمەن قاتار, جوعارىدا اتالعان جەكە كاسىپكەرگە قاتىستى قازاقستان رەسپۋبليكاسى زاڭناماسىنىڭ الكوگول ءونىمىن وتكىزۋ جونىندەگى تالاپتارىن بۇزعانى ءۇشىن قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكستىڭ 200 بابى 1 بولىگىمەن جانە تيiستi تiركەۋسiز, رۇقساتسىز نەمەسە حابارلاما جىبەرمەي كاسىپكەرلىك نەمەسە وزگە دە قىزمەتپەن اينالىسۋ, سونداي-اق ارەكەتتەردi (وپەراتسيالاردى) جۇزەگە اسىرعانى ءۇشىن 462 بابىنىڭ 3 بولىگىمەن ەكى اكىمشىلىك ءىس قوسا قارالىپ, وعان اكىمشىلىك جازا رەتىندە ايىپپۇلدار سالىنىپ, الكوگولدىك ىشىمدىكتەر تاركىلەنىپ, 1 اي مەرزىمگە ليتسەنزيانىڭ قولدانىسىن توقتاتتى.

«بۇل قاۋلى ازىرگە زاڭدى كۇشىنە ەنگەن جوق» دەپ حابارلايدى باتىس قازاقستان وبلىستىق سوتىنىڭ ءباسپاسوز قىزمەتى. 

باتىس قازاقستان