كوروناۆيرۋس ىندەتىنە قارسى كۇرەستى كۇشەيتۋ, كومەككە مۇقتاج تۇرعىنداردى قولداۋ ماقساتىندا قولعا الىنعان ء«بىز بىرگەمىز» اكتسياسىنا جاناشىر ازاماتتار اتسالىسۋدا.
مىسالى, سوڭعى كۇندەرى «Nur Otan» پارتياسىنىڭ مۇشەلەرى, تۇركىستان وبلىستىق ءماسليحات دەپۋتاتتارى ماعاۋيا تۇرىسبەكوۆ («جاڭا ارنا قۇرىلىس» جشس) پەن جاڭاباي اعابەكوۆ («ەۆرو رەمونت سەرۆيس») 1 ملن. تەڭگەدەن كومەكتەسسە, دەپۋتات الماس ساليموۆ تە («الجا-قۇرىلىس» جشس) 1 ملن. تەڭگەنى ەل يگىلىگىنە ءبولدى. جەكە كاسىپكەر تالعات قارجاۋوۆ 1,2 ملن. تەڭگەگە دەمەۋشىلىك تانىتتى.
ال «ورداباسى قۇس» جشس-ى ديرەكتورى, باستاۋىش پارتيا ۇيىمىنىڭ توراعاسى مۇرات تاعاەۆ 2800 كەلى كۇركەتاۋىق ەتى ءونىمىن قولداۋعا مۇقتاج تۇرعىندارعا تاراتپاق. «مەملەكەت تاراپىنان قاۋىپتى ىندەتتى تاراتپاۋ, تۇرعىنداردىڭ ءال-اۋقاتىن كوتەرۋ ءۇشىن اۋقىمدى جۇمىس اتقارىلىپ جاتىر. دەگەنمەن مۇنداي كەزەڭدە ءاربىر ازامات قولدان كەلگەنشە ەلگە كومەكتەسۋى كەرەك دەپ ەسەپتەيمىن. ءبىز بۇل قيىندىقتى بىرلىك پەن ءتارتىپ ارقىلى جەڭەمىز», دەيدى مۇرات تاعاەۆ. ىسكەر ازامات كۇركەتاۋىق ەتىنەن ازىرلەنگەن شۇجىق جانە وزگە دە ونىمدەردى پارتيالىق جوبالار اياسىندا الەۋمەتتىك از قامتىلعان تۇرعىندارعا تاراتۋ ءۇشىن ء«بىز بىرگەمىز!» اكتسياسىنىڭ ۇيلەستىرۋشىلەرىنە ۇسىندى. جالپى ءونىمنىڭ قۇنى 2 ملن تەڭگە بولادى. پارتيا وكىلدەرى مەن ەرىكتىلەر, «جاسوتاندىقتار» ەت ونىمدەرىن اۋدان, قالالاردا تىزىمدەگى وتباسىلارعا اپارىپ بەرمەك.
ايتا كەتەلىك, ورداباسى اۋدانى, بادام اۋىلىندا ورنالاسقان «ورداباسى قۇس» جشس بۇگىندە ەلىمىزدىڭ بىرنەشە ءوڭىرىن كۇركەتاۋىق ەتىمەن قامتىپ وتىر. ءونىم كولەمى دە ۇلعايىپ كەلەدى. قايىرىمدىلىق اكتسيالارىنا ۇلەس قوسىپ, دەمەۋشىلىگىمەن تانىلعان مۇرات تاعاەۆقا جۇرتشىلىقتىڭ العىسى مول.