الماتى قالاسىنداعى «الاتاۋ» يننوۆاتسيالىق تەحنولوگيالار پاركىنىڭ اۋماعىندا «گلوبال گرين ينداستريس» كومپانياسىنىڭ ماماندارى وسىمدىكتى اۆتوماتتى تۇردە سۋعاراتىن جاڭا قۇرىلعى ويلاپ تاپتى. بۇل تۋرالى Kazakن تv حابارلادى.
جاڭا قۇرىلعىنىڭ ەرەكشەلىگىن «گلوبال گرين ينداستريس» كومپانياسىنىڭ باس ديرەكتورى لاريسا شەۆچەنكو ايتىپ بەردى: «ءبىزدىڭ كومپانيا ماماندارى جاساپ شىعارعان سۋ قۇرالى ىشىندە ەلەكتروندى تەنزيومەتر بار. ول 15 سانتيمەتر تەرەڭدىك جەرگە ورناتىلادى. ونىڭ بىرەۋى 1 گەكتار جەردى سۋعارادى. بۇل جاڭا قۇرال استماتيكالىق قىسىم نەگىزىندە جۇمىس ىستەپ, توپىراققا سۋدىڭ جىبەرىلۋ جىلدامدىعىن ەسەپتەيدى ءارى اۆتوماتتى تۇردە توقتايدى. سونداي-اق, مۇنىمەن بيداي جانە جەمىس اعاشتارىن دا سۋعارۋعا بولادى».
شەت ەل كومپانياسىنىڭ قىزمەتكەرلەرى وسى قۇرالدى الەمدىك نارىققا شىعارۋ تۋرالى ۇسىنىس ايتقان ەكەن. ازىرگە ونى ويلاستىرىپ شىعارعان ەلىمىز ماماندارى ناقتى شەشىمگە كەلگەن جوق.
دانيار تۇيمەباي.