جىل سايىن تامىز ايىنىڭ ءۇشىنشى اپتاسىندا ەلىمىزدە سپورت كۇنىن تويلاۋ داستۇرگە اينالعان. سالاماتتى ءومىر سالتىن قالىپتاستىرۋ مەن بۇقارالىق سپورتتى دامىتۋدى كوزدەگەن بۇل شارا باس قالامىزدا بيىل كەڭىنەن اتالىپ ءوتتى.
جىل سايىن تامىز ايىنىڭ ءۇشىنشى اپتاسىندا ەلىمىزدە سپورت كۇنىن تويلاۋ داستۇرگە اينالعان. سالاماتتى ءومىر سالتىن قالىپتاستىرۋ مەن بۇقارالىق سپورتتى دامىتۋدى كوزدەگەن بۇل شارا باس قالامىزدا بيىل كەڭىنەن اتالىپ ءوتتى.جارتىجىلدىققا اتقارىلعان ىستەردىڭ قورىتىندىسى شىعارىلىپ, الداعى كۇندەردىڭ جوسپارى بەكىتىلەدى.
ەلىمىز تاۋەلسىزدىك العالى قازاق جاستارى قاي سپورت تۇرىنەن بولسىن بايراقتى باسەكەدە ەلىمىزدىڭ جالاۋىن جەلبىرەتىپ, ءانۇرانىمىزدى اسقاقتاتىپ ءجۇر. ەلىمىزدىڭ سپورتى جىلدان-جىلعا دامىپ كەلەدى. 15-18 تامىز ارالىعىندا استانا قالاسىندا سپورت كۇنىنە بايلانىستى بىرنەشە ءىس-شارالار وتكىزىلدى. ماسەلەن, 17 تامىز كۇنى «بايتەرەك» مونۋمەنتىنىڭ الاڭىندا وتكەن شارادا «ءومىر نارىنەن ءلاززات ال!» اتتى اكتسيا اياسىندا فۋنكتسيونالدىق جاتتىعۋلار جۇرگىزىلدى. سونىمەن بىرگە, قالامىزدىڭ ورتالىق ساياباعىندا 2000-نان اسا سپورتسۇيەر قاۋىم جينالدى. سپورت مەرەكەسى شەڭبەرىندە ۇيىمداستىرىلعان شاراعا قاتىسقان قالا تۇرعىندارى «پرەزيدەنتتىك ميل» جارىسىنا بەلسەنە قاتىستى. ومىردە ادامنىڭ دەنساۋلىعىن جاقسارتىپ, ونىڭ جاسىن ۇزارتاتىن, كوڭىلىن ءوسىرىپ, شىدامدى دا جىگەرلى جۇرۋىنە سەپتىگىن تيگىزەتىن قۇدىرەتتى كۇش دەنە تاربيەسى مەن سپورت بولسا كەرەك. بۇگىندە ەلىمىزدە ادام ءۇشىن وسىنشاما ماڭىزعا يە سپورتتى دامىتۋعا بارلىق جاعداي جاسالىپ جاتىر. بۇقارالىق سپورت – حالىق دەنساۋلىعىنىڭ كەپىلى.
جانەركە تولەن,
ەۇۋ-ءدىڭ ستۋدەنتى.