ۇستازدار قاۋىمىنىڭ تامىز ءماسليحاتى وتكەن جىلدىڭ جۇمىسىن تاعى ءبىر تۇيىندەپ, جاڭا جىلدىڭ ۇسىنار جاڭالىعىنا نازار سالدى. وبلىستىق ءبىلىم بەرۋ باسقارماسىنىڭ باسشىسى ءاليا تورتقاراەۆا بايانداماسىندا وبلىستاعى ءبىلىم وشاقتارىنىڭ وتكەن جىلى اتقارعان جۇمىستارىنا شولۋ جاسادى. جەتكەن جەتىستىكتەر بارشىلىق, بىراق وتكىر ماسەلەلەر ودان دا كوپ.
ۇستازدار قاۋىمىنىڭ تامىز ءماسليحاتى وتكەن جىلدىڭ جۇمىسىن تاعى ءبىر تۇيىندەپ, جاڭا جىلدىڭ ۇسىنار جاڭالىعىنا نازار سالدى. وبلىستىق ءبىلىم بەرۋ باسقارماسىنىڭ باسشىسى ءاليا تورتقاراەۆا بايانداماسىندا وبلىستاعى ءبىلىم وشاقتارىنىڭ وتكەن جىلى اتقارعان جۇمىستارىنا شولۋ جاسادى. جەتكەن جەتىستىكتەر بارشىلىق, بىراق وتكىر ماسەلەلەر ودان دا كوپ.
وسىدان ءبىراز جىل بۇرىن تامىز ءماسليحاتى مەكتەپتەردىڭ ماتەريالدىق جاعدايىنىڭ ناشارلىعىنان باستالاتىن ەدى. ۇستىمىزدەگى جىلى وبلىستاعى ءبىلىم بەرۋ سالاسىنىڭ مۇقتاجىنا 44 ميللياردتان استام تەڭگە جۇمسالعان. بۇل از قارجى ەمەس. بۇگىندە وبلىستا 1367 مەكتەپ بار, سونىڭ 568-ءى مەملەكەتتىك تىلدە ءبىلىم بەرەدى. «مەكتەپتىڭ جۇرەگى – مۇعالىمدەردىڭ» دە بىلىكتىلىكتى كوتەرۋدەگى جەتكەن ناتيجەلەرى قۋانارلىقتاي. رەسپۋبليكالىق «ۇزدىك مۇعالىم» بايقاۋىندا قوستانايلىق ۇستازدار ءۇش جۇلدەلى ورىندى يەلەندى. الداعى وقۋ جىلىنان باستاپ, بارلىق مەكتەپتەردە اعىلشىن ءتىلى ءبىرىنشى سىنىپتان وقىتىلادى. وتكەن وقۋ جىلىندا بۇل قاناتقاقتى جوبا ءتورت مەكتەپتە تابىستى جۇرگىزىلدى. سونىمەن قاتار, ماجىلىستە ەلەكتروندى وقىتۋ جوباسىن يگەرۋ دە ءسوز بولدى. وتكەن وقۋ جىلى مەكتەپ مۇعالىمدەرىنىڭ 71 يننوۆاتسيالىق جوباسى عالىمدار مەن تاجىريبەلى مامانداردىڭ قولداۋىنا يە بولدى.
الايدا, «بالاپاندى كۇزدە سانايدى» دەسەك, مەكتەپ تۇلەكتەرىنىڭ, وقۋشىلاردىڭ ۇلگەرىم كورسەتكىشى ءالى دە جۇمىستى شيراتۋدى قالايدى. ءبىلىم ساپاسى وبلىستا تەك 32 پايىزدى عانا قۇراعان. ۇبت-عا قاتىسقان ءار ءۇشىنشى تۇلەك جوعارى وقۋ ورنىنا تۇسەتىن دەڭگەيدى باعىندىرا الماعان, ءار جيىرماسىنشى تۇلەك «2» دەگەن باعا العان. «التىن بەلگiدەن» ۇمىتكەر 135 تۇلەكتىڭ 42-ءسى عانا ءوز ءبىلىمىن دالەلدەگەن. مىنە, وسىنداي كورسەتكىشتەردىڭ بارلىعى دا ءبىلىم بەرۋ سالاسى قىزمەتكەرلەرىنىڭ قامشى باسۋىن تالاپ ەتەدى. وبلىستاعى ءبىلىم وشاعىنىڭ 77,5 پايىزى شاعىن كومپلەكتىلى مەكتەپتەر, ولاردىڭ 70 پايىزى اۋىلدى جەرلەردە ورنالاسقان. مۇنىڭ ءوزى مۇعالىمدەر تاپشىلىعىنىڭ باستى سەبەبىنە اينالىپ وتىر.
تامىز ءماسليحاتىندا ءبىلىم ساپاسىن كوتەرۋدىڭ تاعى باسقا دا ءتۇيىندى ماسەلەلەرى ءسوز بولدى. وعان وبلىس اكىمى ن.سادۋاقاسوۆ قاتىسىپ, ءسوز سويلەدى.
ءنازيرا جارىمبەتوۆا,
«ەگەمەن قازاقستان».
قوستاناي.