كەشە مەملەكەتتىك حاتشى مارات ءتاجين ۋكراينانىڭ قازاقستانداعى توتەنشە جانە وكىلەتتى ەلشىسى ولەگ ءديوميندى ونىڭ قازاقستانداعى ديپلوماتيالىق ميسسياسىنىڭ اياقتالۋىنا وراي قابىلدادى.
كەشە مەملەكەتتىك حاتشى مارات ءتاجين ۋكراينانىڭ قازاقستانداعى توتەنشە جانە وكىلەتتى ەلشىسى ولەگ ءديوميندى ونىڭ قازاقستانداعى ديپلوماتيالىق ميسسياسىنىڭ اياقتالۋىنا وراي قابىلدادى.
مەملەكەتتىك حاتشى ءوز سوزىندە ەكىجاقتى قارىم-قاتىناستاردىڭ تەرەڭدەۋىنە ايتارلىقتاي ۇلەس قوسقانى ءۇشىن ۋكراين ديپلوماتىنا ريزاشىلىعىن ءبىلدىردى. وسى رەتتە م.ءتاجين ۋكراينانىڭ ەقىۇ-داعى ءتوراعالىعىمەن قۇتتىقتاي وتىرىپ, استانا دەكلاراتسياسىنىڭ ەرەجەلەرىن, ونىڭ ىشىندە ەۋرواتلانتيكالىق جانە ەۋرازيالىق قوعامداستىقتىڭ قاۋىپسىزدىگىن جۇزەگە اسىرۋعا بارىنشا جاردەمدەسۋگە قازاقستاننىڭ دايىن ەكەنىن جەتكىزدى. مەملەكەتتىك حاتشى ۋكراينا ەلشىسىن ونىڭ قىتاي حالىق رەسپۋبليكاسىنا ەلشىلىك قىزمەتكە تاعايىندالۋىمەن قۇتتىقتاي كەلىپ, جاڭا جۇمىسىنا ساتتىلىك تىلەدى.
ەلىمىزدە ءۇش جىل قاتارىنان ەلشىلىك قىزمەت اتقارعان و.دەمين ەكى ەل اراسىنداعى قارىم-قاتىناستاردىڭ دامۋىندا قازاقستان پرەزيدەنتىنىڭ قوسقان ۇلەسىن ەرەكشە اتاي كەلىپ, ۋكرايندىقتار ن.نازارباەۆتى «جاقىن ادام» رەتىندە تانيتىندىقتارىن دا جەتكىزدى. جانە ەلشى قازاقستانداعى قىزمەتى بارىسىندا ساۋدا-ەكونوميكالىق جانە ءمادەني-گۋمانيتارلىق سالالارداعى ىنتىماقتاستىقتى دامىتۋدا جەمىستى جۇمىستار اتقارىلعاندىعىمەن ءبولىستى. سونداي-اق, ول قازاقستان مەن ۋكراينا اراسىنداعى مەملەكەتارالىق قارىم-قاتىناستاردىڭ جاڭا دەڭگەيگە كوتەرىلگەندىگىن ەرەكشە اتادى.
جالپى, قازاقستان ۋكراينانىڭ ساياسي, ەكونوميكالىق جانە گۋمانيتارلىق باستامالارىنا ۇنەمى قولداۋ ءبىلدىرىپ كەلەدى. ەكى ەلدىڭ ۇستانىمدارى بارلىق باعىتتار بويىنشا ۇقساس ەكەندىگىن دە ايتا كەتكەن ءجون.
ۋكراينالىق ەلشى بۇقارالىق اقپارات قۇرالدارى وكىلدەرىنە بەرگەن بريفينگىندە ەكى ەل اراسىنداعى ىنتىماقتاستىق ارتىپ كەلە جاتقانىن جانە دە ول ۇنەمى دامۋ ۇستىندە ەكەندىگىن باسا اتادى. ەلشىنىڭ سوزىنە قاراعاندا, قازاقستان مەن ۋكراينا اراسىنداعى تاۋار اينالىمى سوڭعى جىلدارى ايتارلىقتاي وسكەن. ۋكراينالىق اۆتوكولىكتەردى قازاقستاندا شىعارۋعا قاتىستى بىرلەسكەن جوبالار دا جۇزەگە اسا باستاعان. ۇشاق جاساۋ جانە عارىش سالاسى بويىنشا دا ەكى ەل اراسىنداعى ىنتىماقتاستىق ارتۋدا.
ەلشى قازاقستاندىق كادرلاردى ۋكراينادا دايارلاۋ بارىسىنا دا توقتالدى. اتاپ ايتقاندا, قازاقستاندىق جاستار كيەۆ تەحنيكالىق ۋنيۆەرسيتەتىنىڭ قوسىمشا ەمتيحاندارىن تاپسىرىپ جاتىر ەكەن.
بۇدان بولەك ديپلومات ۋكراينانىڭ ەقىۇ-داعى توراعالىعى استانا دەكلاراتسياسىنىڭ ەرەجەلەرى رۋحىندا جالعاسارىن قۋاتتاي كەلىپ, وسى ەلدىڭ سىرتقى ىستەر ءمينيسترى ءارى ەقىۇ توراعاسى ۇستىمىزدەگى جىلدىڭ قازانىندا استاناعا ساپار جاسايتىنىن, سول كەزدە «بەيبىتشىلىك ءۇشىن, قارۋسىزدانۋ ءۇشىن جانە ەكونوميكالىق دامۋ ءۇشىن» اتتى جالپىەۋروپالىق قوزعالىستى دامىتۋ بارىسى ءسوز بولاتىنىن العا تارتتى. كەدەن وداعىنا قاتىستى سوزىندە ەلشى بۇل ۇيىمعا دەگەن ۋكراينانىڭ ۇستانىمى وڭدى ەكەنىن, ۇيىم ەلدەردىڭ ءبىر-ءبىرىن تۇسىنۋىنە جاقسى ورتا قالىپتاستىراتىنىن اتادى. ۋكراينا كەدەن وداعى مەن ەۋروپالىق وداق اراسىن جالعايتىن كوپىر بولا الار ەدى, دەدى ەلشى ءسوزىن قورىتىندىلاي كەلىپ.
اسقار تۇراپباي ۇلى,
«ەگەمەن قازاقستان».