ايتەكە بي اۋدانىنىڭ ۇشقاتتى اۋىلى – شالعاي ەلدى مەكەندەردىڭ ءبىرى. جاقىندا مۇندا جاڭا بالاباقشا ىسكە قوسىلىپ, تۇرعىنداردى قۋانىشقا بولەدى. بالاباقشا ءۇشىن بۇرىنعى كەدەن قىزمەتى ورنالاسقان عيمارات ءۇيى كۇردەلى جوندەۋدەن وتكىزىلىپ, قايتا جاراقتاندىرىلدى.
ايتەكە بي اۋدانىنىڭ ۇشقاتتى اۋىلى – شالعاي ەلدى مەكەندەردىڭ ءبىرى. جاقىندا مۇندا جاڭا بالاباقشا ىسكە قوسىلىپ, تۇرعىنداردى قۋانىشقا بولەدى. بالاباقشا ءۇشىن بۇرىنعى كەدەن قىزمەتى ورنالاسقان عيمارات ءۇيى كۇردەلى جوندەۋدەن وتكىزىلىپ, قايتا جاراقتاندىرىلدى.
اۋدان اكىمىنىڭ ورىنباسارى زويا بولەكوۆانىڭ ايتۋىنشا, ەسكى عيماراتتى جوندەۋ جۇمىستارىنا جەرگىلىكتى بيۋدجەتتەن 3,1 ميلليون تەڭگە بولىنگەن. بۇدان باسقا مەكتەپكە دەيىنگى بالالار مەكەمەسىن جيھازبەن, باسقا دا قاجەتتى زاتتارمەن جابدىقتاۋعا 2 ميلليون تەڭگەگە جۋىق قارجى جۇمسالعان. ال «بوبەك» بالاباقشاسى 25 بۇلدىرشىنگە ارنالعان.
اۋىلدا مەكتەپ جانىنداعى 15 ورىندىق شاعىن ورتالىق جۇمىس ىستەيدى. قازىر مۇندا بۇلدىرشىندەردى مەكتەپكە دەيىنگى بالالار مەكەمەسىمەن قامتۋ ماسەلەسى شەشىلدى دەۋگە ابدەن بولادى. سونداي-اق, بيىل قارابۇتاق اۋىلىندا 75 ورىندىق بالاباقشا قۇرىلىسى اياقتالادى دەپ كۇتىلۋدە. وعان 2011 جىلى رەسپۋبليكالىق بيۋدجەتتەن قارجى بولىنگەنىمەن, قۇرىلىسى اياقتالماي قالىپتى. اۋداندا مەكتەپكە دەيىنگى بالالار مەكەمەلەرىمەن قامتاماسىز ەتۋ باعىتىندا جۇيەلى جۇمىستار جۇرگىزىلۋدە.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.