سەمەي قالالىق «نۇر وتان» حدپ فيليالىنىڭ «جاس وتان» جاستار قاناتى جانە شقو ساياسي مەنەدجمەنت مەكتەبى «جاستار – اۋىلعا!» تاقىرىبىندا سەمينار-ترەنينگ وتكىزدى. ترەنينگكە شىعىس قازاقستان وبلىسىنداعى اۋداندىق «جاس وتان» جق-ىنىڭ اتقارۋشى حاتشىلارى كەلىپ قاتىستى.
سەمەي قالالىق «نۇر وتان» حدپ فيليالىنىڭ «جاس وتان» جاستار قاناتى جانە شقو ساياسي مەنەدجمەنت مەكتەبى «جاستار – اۋىلعا!» تاقىرىبىندا سەمينار-ترەنينگ وتكىزدى. ترەنينگكە شىعىس قازاقستان وبلىسىنداعى اۋداندىق «جاس وتان» جق-ىنىڭ اتقارۋشى حاتشىلارى كەلىپ قاتىستى.
سەمينار-ترەنينگتە پارلامەنت ءماجىلىسىنىڭ دەپۋتاتى م.بەگەنتاەۆ جاستارمەن كەزدەستى, ولاردىڭ كوكەيىندە جۇرگەن سۇراقتارعا جاۋاپ بەردى. جيىن بارىسىندا «دامۋ» كاسىپكەرلىكتى دامىتۋ قورى جانە «تۇرعىن-ءۇي قۇرىلىس جيناق بانكى» وكىلدەرى ءوز باعدارلامالارىن كەڭىنەن ءتۇسىندىرىپ, جاس وتباسىلارعا بەرىلەتىن باسپانا مەن كاسىبىن جاڭادان باستاپ جاتقان كاسىپكەرلەرگە كورسەتىلەتىن قارجىلاي قولداۋ تەتىكتەرىن تانىستىرىپ ءوتتى. بۇل قالا جاستارى ءۇشىن اسا ماڭىزدى.
«نۇر وتان» حدپ كەڭەسشىسى نۇرتازا سۇڭعات «جاس وتان» جق مۇشەلەرىنە الەۋمەتتىك جەلىلەردى ءتيىمدى پايدالانۋدىڭ قىر-سىرىن ۇيرەتتى. سەمەي قالالىق ىشكى ساياسات ءبولىمى باسشىسىنىڭ ورىنباسارى ايدار سادىرباەۆ «جاڭا قازاقستاندىق پاتريوتيزم – گۇلدەنگەن مەملەكەتتىڭ نەگىزى» اتتى بايانداماسىن وقىدى.
– ەل پرەزيدەنتى ن.نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىنىڭ ماقساتىن, نەگىزگى باسىمدىقتارىن ءتۇسىندىرۋ, جاستارعا دۇرىس باعىت سىلتەۋ ءبىزدىڭ باستى ماقساتىمىز, – دەدى ايدار سەرىكقازى ۇلى ءوز سوزىندە.
سونداي-اق, سەمەي قالاسىنىڭ ىشكى ساياسات ءبولىمى مەن ورتالىق ساياباق باسشىلىعى بىرلەسىپ, «نۇر وتان» حدپ «جاس وتان» جاستار قاناتى ورتالىق ساياباقتا مەملەكەتتىك گرانتقا يە بولا الماعان تالاپكەرلەرگە ارنالعان «ماماندىقتار جارمەڭكەسىن» ءوتكىزدى. شارا بارىسىندا ابيتۋريەنتتەر قالانىڭ جوو مەن كوللەدجدەرىندە وقىتىلاتىن سۇرانىسقا يە ماماندىقتارمەن تانىسىپ, وقۋ اقىسىن تولەۋ ءۇشىن بانكتەردەن نەسيە الۋ مۇمكىندىگى تۋرالى اقپاراتتار الدى.
راۋشان نۇعمانبەكوۆا.
سەمەي.